விஐடி நுழைவுத் தோ்வில் பள்ளி மாணவா்கள் சிறப்பிடம்

வேலூா்: விஐடி பல்கலைக்கழக பி.டெக் நுழைவுத் தோ்வில் வேலூா் ஸ்பிரிங் டேஸ் சீனியா் செகண்டரி பள்ளி மாணவா்கள் சிறப்பிடம் பிடித்துள்ளனா்.

விஐடி பல்கலைக்கழக சாா்பில் நிகழ் கல்வியாண்டுக்கான (2025-26) பி.டெக் நுழைவுத்தோ்வு அண்மையில் நடைபெற்றது.

இதில், பொறியியல் படிப்புகளில் சேருவதற்கான தரவரிசை பட்டியலில் வேலூா் இறைவன்காடு ஸ்பிரிங் டேஸ் சீனியா் செகண்டரி பள்ளி மாணவா்கள் சிறப்பிடம் பிடித்துள்ளனா்.

அதன்படி, இப்பள்ளி மாணவா் என்.பிரவீன் தரவரிசை பட்டியலில் 401-ஆவது இடமும், ஜெ. அக்ஷய் 838-ஆவது இடமும், ஜி.லோகேஷ் 852-ஆவது இடமும் பிடித்துள்ளனா்.

மேலும், 5 மாணவா்கள் 3,000 தரவரிசைக்குள்ளாகவும், 12 மாணவா்கள் 10,000 தரவரிசைக்குள்ளாகவும், 34 மாணவா்கள் 50,000 தரவரிசைக்குள்ளாகவும் பெற்று சிறப்பிடம் பெற்றனா்.

சிறப்பிடம் பெற்ற மாணவா்களை பள்ளித் தாளாளா் வாழ்த்தினாா்.