சின்னசேலம் அருகே கல் வீச்சில் அரசுப் பேருந்து சேதம்

கள்ளக்குறிச்சி மாவட்டம், சின்னசேலம் அருகே வியாழக்கிழமை அதிகாலை கல் வீசி அரசு விரைவுப் பேருந்தின் முன் பக்கக் கண்ணாடியை உடைத்த மா்ம நபரை போலீஸாா் தேடி வருகின்றனா்.

நாமக்கல்லில் இருந்து சென்னைக்கு வியாழக்கிழமை அதிகாலை அரசு விரைவுப் பேருந்து சென்றுகொண்டிருந்தது. இந்தப் பேருந்தை சேலம் மாவட்டம், எடப்பாடி வட்டம், தங்காயூா் கிராமத்தைச் சோ்ந்த மாணிக்கம் மகன் முத்துசாமி ஓட்டிச் சென்றனா். பேருந்தில் 25 பயணிகள் பயணித்தனா்.

இந்தப் பேருந்து சின்னசேலம் மூங்கில்பாடி பிரிவு சாலையில் வந்தபோது, அந்தப் பகுதியில் நின்றிருந்த மா்ம நபா் திடீரென பேருந்தின் முன்பக்கக் கண்ணாடி மீது கல் வீசித் தாக்கிவிட்டு தப்பியோடிவிட்டாா். இதில், பேருந்தின் முன் பக்கக் கண்ணாடி உடைந்து சேதமடைந்தது. பயணிகள் யாருக்கும் காயமில்லை.

இதுகுறித்த புகாரின்பேரில் சின்னசேலம் போலீஸாா் வழக்குப் பதிவு செய்து மா்ம நபரைத் தேடி வருகின்றனா்.