கள்ளக்குறிச்சி: சமூக நலத் திட்டங்களின் செயல்பாடுகள் ஆய்வு

கள்ளக்குறிச்சி மாவட்டத்தில் சமூக நலத் துறை மூலம் செயல்படுத்தப்படும் திட்டங்களின் செயல்பாடுகள் குறித்த ஆய்வுக் கூட்டம் வியாழக்கிழமை நடைபெற்றது.

மாவட்ட ஆட்சியரகத்தில் நடைபெற்ற இந்தக் கூட்டத்தில்

சமூக நல இயக்குநா் டி.ரத்தினா தலைமை வகித்தாா். ஆட்சியா் பி.என்.ஸ்ரீதா் முன்னிலை வகித்தாா்.

கள்ளக்குறிச்சி புதிய மாவட்டத்தில் சமூக நலத் துறையின் சாா்பில் செயல்படுத்தப்படும் திருமண நிதியுதவித் திட்டம், இரண்டு பெண் குழந்தைகள் திட்டம் உள்ளிட்டவை குறித்தும், அவை தொடா்பான செயலி குறித்தும்

சமூக நல அலுவலகத்தில் பணிபுரியும் விரிவாக்க அலுவலா் மற்றும் ஊா்நல அலுவலா்களிடம் சமூக நல இயக்குநா் டி.ரத்தினா கேட்டறிந்தாா்.

மேலும், திட்டங்களின் கீழ் பெறப்படும் விண்ணப்பங்கள், மேற்கொள்ளப்படும் நடவடிக்கைகள் குறித்தும் அவா் ஆய்வு செய்தாா்.

இதைத் தொடா்ந்து, விண்ணப்பங்கள் மீது விரைவாக விசாரணை மேற்கொண்டு, தகுதியான நபா்களுக்கு நலத் திட உதவிகள் வழங்க அலுவலா்களுக்கு அறிவுறுத்தினாா்.

கூட்டத்தில் மாவட்ட சமூக நல அலுவலா் கே.விஜயலட்சுமி, மாநில அளவிலான கள பொறுப்பு அணித் தலைவா் சி.உமாமகேஸ்வரி உள்ளிட்ட பலா் கலந்துகொண்டனா்.