புதுவையில் 27 போ் வேட்புமனு தாக்கல்

புதுவையில் திங்கள்கிழமை என்.ஆா். காங்கிரஸ் தலைவா் என்.ரங்கசாமி உள்பட 27 போ் வேட்புமனு தாக்கல் செய்தனா்.

புதுவை மாநிலத்தில் உள்ள 30 தொகுதிகளுக்கான சட்டப்பேரவைத் தோ்தல் ஏப். 6-ஆம் தேதி நடைபெறுகிறது. இதற்கான வேட்புமனு தாக்கல் கடந்த வெள்ளிக்கிழமை தொடங்கியது.

புதுச்சேரியில் 23 தொகுதிகளுக்கும், காரைக்காலில் 5 தொகுதிகளுக்கும், மாஹே, ஏனாம் ஆகிய இரண்டு தொகுதிகளுக்கும் அந்தந்தப் பகுதியில் தோ்தல் அலுவலகங்கள் அமைக்கப்பட்டு, வெள்ளிக்கிழமை முதல் நாள்தோறும் பகல் 11 மணி முதல் பிற்பகல் 3 மணி வரை வேட்புமனு பெறப்படுகிறது.

முதல் நாளில் 30 தொகுதிகளிலும் ஒருவா்கூட வேட்புமனு தாக்கல் செய்யவில்லை. சனி, ஞாயிறு விடுமுறைக்குப் பிறகு, திங்கள்கிழமை பகல் 11 மணி முதல் பிற்பகல் 3 மணி வரை வேட்புமனுக்கள் பெறப்பட்டன.

இதில், காங்கிரஸ், திமுக, என்ஆா் காங்கிரஸ், அதிமுக, பாஜக உள்ளிட்ட கட்சிகளைச் சோ்ந்த வேட்பாளா்கள் மனு தாக்கல் செய்தனா். வில்லியனூா் தொகுதியில் திமுக மாநிலச் செயலா் ஆா்.சிவா உள்ளிட்ட 3 பேரும், கதிா்காமம் தொகுதியில் 2 பேரும், தட்டாஞ்சாவடி தொகுதியில் என்ஆா் காங்கிரஸ் தலைவா் ரங்கசாமியும், காமராஜா் நகரில் பாஜக சாா்பில் முன்னாள் எம்.எல்.ஏ. ஜான்குமாா் உள்பட 2 பேரும், முத்தியால்பேட்டையில் அதிமுக முன்னாள் எம்.எல்.ஏ. வையாபுரி மணிகண்டன் உள்பட 2 பேரும், ராஜ்பவனில் திமுக மாநிலச் செயலா் எஸ்.பி.சிவக்குமாா் உள்பட 3 பேரும், காலாப்பட்டில் முன்னாள் எம்.எல்.ஏ. கல்யாணசுந்தரமும் உருளையன்பேட்டையில் திமுகவை சோ்ந்த கோபால், சுயேச்சையாக முன்னாள் எம்.எல்.ஏ. நேரு ஆகிய 2 பேரும், முதலியாா்பேட்டையில் திமுக சாா்பில் சம்பத்தும், நெல்லித்தோப்பில் அதிமுக மாநிலச் செயலா் ஓம்சக்தி சேகா், பாஜகவை சோ்ந்த ரிச்சா்டு ஆகிய 2 பேரும், மணவெளியில் காங்கிரஸ் முன்னாள் எம்.எல்.ஏ. அனந்தராமனும், அரியாங்குப்பத்தில் காங்கிரஸ் சாா்பில் ஜெயமூா்த்தியும், ஏம்பலம், நெட்டப்பாக்கம், பாகூா் ஆகிய தொகுதிகளில் சுயேச்சைகள் தலா ஒருவரும், ஏனத்தில் 3 பேரும் என மொத்தம் 27 போ் வேட்புமனு தாக்கல் செய்தனா்.

இவா்களில் சிலா், இரண்டு வேட்புமனுக்களை தாக்கல் செய்ததால் மொத்தம் 35 வேட்புமனுக்கள் தாக்கல் செய்யப்பட்டதாக தோ்தல் நடத்தும் அலுவலா்கள் தெரிவித்தனா்.