புதுச்சேரியிலிருந்து திருப்பதிக்கு பாதயாத்திரை புறப்பட்ட பக்தா்கள்

திருப்பதி திருமலைக்கு பக்தா்கள் விரதமிருந்து பாத யாத்திரையாக ஞாயிற்றுக்கிழமை புறப்பட்டுச் சென்றனா்.

புதுச்சேரி ஸ்ரீ வெங்கடேச பெருமாள் பக்தஜன சபா சாா்பில் ஆண்டுதோறும் திருப்பதி திருமலைக்கு பக்தா்கள் பாதயாத்திரை செல்வது வழக்கம்.

அதன்படி, 34-ஆம் ஆண்டு பாத யாத்திரைக்காக பக்தா்கள் புரட்டாசி 1-ஆம் தேதி (செப். 18) பாரதி பூங்காவில் உள்ள ஸ்ரீ பிரசன்னா வெங்கடேச பெருமாள் கோயிலில் மாலை அணிந்து விரதம் மேற்கொண்டனா்.

இதைத் தொடா்ந்து ஞாயிற்றுக்கிழமை (அக். 4) காலை 6 மணியளவில் திருச்சிற்றம்பலம் கூட்டு சாலை திருமண நிலையத்திலிருந்து திருப்பதி திருமலைக்கு ஸ்ரீ வெங்கடேச பெருமாள் பக்தஜன சபா தலைவா்

ஜெயச்சந்திரன் தலைமையில் மாலை அணிந்து விரதம் இருந்த பக்தா்கள் சுமாா் 300-க்கும் மேற்பட்டோா் கோவிந்தா கோவிந்தா என முழக்கமிட்டபடி பாத யாத்திரை புறப்பட்டனா்.

நிகழ்ச்சியில், சபா நிா்வாகிகள் பூபதி, ஜெககாந்தன், மதுரகவி ராமானுஜதாசன், கணபதி, சிவராமன், செந்தில், ஜெயமூா்த்தி, ஆனந்தன், சிவராஜ், ஏழுமலை, செங்குட்டுவன், பிரகாஷ் உள்ளிட்டோா் கலந்து கொண்டனா். இந்தக் குழுவினா் 6 நாள்கள் பாதயாத்திரையாகச் சென்று 9-ஆம் தேதி திருப்பதியை அடைந்து ஏழுமலையானை சுவாமி தரிசனம் செய்யவுள்ளனா்.