தகுதியானோா் கரோனா தடுப்பூசி செலுத்திக் கொள்ள அறிவுரை

விழுப்புரம் மாவட்டத்தில் பொதுமக்களில் 45 வயதுக்கும் மேற்பட்ட, தகுதியானோா் கரோனா தடுப்பூசி செலுத்திக் கொள்ள அலுவலா்கள் அறிவுறுத்த வேண்டும் என ஆட்சியா் ஆ.அண்ணாதுரை தெரிவித்தாா்.

கரோனா வைரஸ் தடுப்பு நடவடிக்கைகள் குறித்து அனைத்துத் துறை அலுவலா்களுடன் மாவட்ட ஆட்சியா் ஆ.அண்ணாதுரை வெள்ளிக்கிழமை ஆலோசனை மேற்கொண்டாா்.

விழுப்புரம் மாவட்ட ஆட்சியா் அலுவலக கூட்டரங்கில் கரோனா வைரஸ் நோய் தடுப்பு நடவடிக்கைகள் குறித்து அனைத்துத் துறை அலுவலா்களுடனான ஆலோசனைக் கூட்டம் மாவட்ட ஆட்சியா் ஆ.அண்ணாதுரை தலைமையில் வெள்ளிக்கிழமை நடைபெற்றது. இதில், பொது சுகாதாரம் மற்றும் நோய்த் தடுப்பு மருந்து துறை சாா்பாக மாவட்டத்தில் மேற்கொள்ள வேண்டிய கரோனா வைரஸ் நோய் தடுப்பு நடவடிக்கைகள் குறித்து, சுகாதாரத் துறை இணை இயக்குநா், துணை இயக்குநா், வட்டார மருத்துவ அலுவலா்கள் உள்ளிட்ட சுகாதாரத் துறை அதிகாரிகளிடம் ஆலோசனை நடத்தப்பட்டது.

அப்போது, மாவட்ட ஆட்சியா் ஆ.அண்ணாதுரை ஆலோசனை வழங்கிப் பேசியதாவது: விழுப்புரம் மாவட்டத்தில் கரோனா வைரஸ் பரவலைத் தடுக்கவும், வைரஸ் தொற்றால் பாதிக்கப்பட்டவா்களுக்கு உரிய சிகிச்சைகள் கிடைத்திடவும் நடவடிக்கை எடுக்க வேண்டும். கரோனா தொற்று பாதித்து வீட்டில் தனிமைப்படுத்தப்பட்டவா்களை கூடுதல் கவனம் செலுத்தி, அவா்களுக்குத் தேவையான நோய் எதிா்ப்பு சக்தி மாத்திரைகளை வழங்க வேண்டும், கரோனா நோய் பாதிப்படைந்தவரின் வசிப்பிடத்துக்கு அருகிலுள்ள மற்ற வீடுகளில் கரோனா பரிசோதனை மேற்கொள்ள வேண்டும். மேலும், அந்தப் பகுதியில் உள்ள பொதுமக்களுக்கு நோய் எதிா்ப்பு சக்தி மருந்துகள் வழங்க வேண்டும்.

வட்டார மருத்துவ அலுவலா்கள் தங்கள் பகுதிகளுக்குள்பட்ட அனைத்து கிராமங்களிலும் பொதுமக்களுக்கு மருத்துவ முகாம்கள் நடத்தி பரிசோதனைகளை மேற்கொள்ள வேண்டும். மாவட்ட சித்தா அலுவலா் கபசுர குடிநீா், நோய் எதிா்க்கும் சித்த மாத்திரைகள் பொதுமக்களுக்கு கிடைப்பதை உறுதி செய்திட வேண்டும்.

திண்டிவனம், விழுப்புரம் நகராட்சி நிா்வாகங்கள் சாா்பாக அனைத்துப் பகுதிகளிலும் தினமும் மருத்துவ பரிசோதனை முகாம்களை நடத்த வேண்டும். நெடுஞ்சாலைகளில் செயல்படும் உணவகங்கள் சமூக இடைவெளியைப் பின்பற்றி முகக்கவசம் அணிந்து சுகாதாரமான முறையில் செயல்படுகின்றனவா என்பதை உணவு பாதுகாப்புத் துறை அலுவலா் ஆய்வு நடத்தி, உறுதி செய்ய வேண்டும்.

சுகாதாரத் துறை, காவல் துறை, வருவாய்த் துறை, நகராட்சி நிா்வாகம், ஊரக வளா்ச்சித்துறை உள்ளிட்ட துறைகளை சோ்ந்த அலுவலா்கள், பணியாளா்கள் தங்கள் பகுதிகளில் உள்ள பொதுமக்களில் 45 வயதுக்கு மேற்பட்ட, தகுதியான அனைவரையும் கரோனா தடுப்பூசி செலுத்திக் கொள்ள அறிவுறுத்த வேண்டும்.

வணிக வளாகங்கள், உணவங்கள், கல்லூரிகள் மற்றும் பத்துக்கும் மேற்பட்ட பணியாளா்கள் வேலை செய்யும் இடங்களில் அனைவரும் கரோனா தடுப்பூசி செலுத்த அறிவுறுத்த வேண்டும். அரசின் கட்டுப்பாடு வழிகாட்டு நெறிமுறைகளை முழுமையாக அமல்படுத்த வேண்டும் என்றாா் ஆட்சியா்.

கூட்டத்தில் கூடுதல் காவல் கண்காணிப்பாளா் தேவநாதன், மாவட்ட ஊரக வளா்ச்சி முகமை திட்ட இயக்குநா் காஞ்சிணா, சுகாதாரப் பணிகள் இணை இயக்குநா் சண்முகக்கனி, துணை இயக்குநா் செந்தில்குமாா், துணை ஆட்சியா் (பயிற்சி) ரூபினா உள்ளிட்டோா் கலந்து கொண்டனா்.