தமிழகத்தில் சட்டம்-ஒழுங்கைப் பாதுகாக்க வேண்டும்: எடப்பாடி கே.பழனிசாமி

தமிழகத்தில் காவல் துறைக்கு முழு சுதந்திரம் அளித்து சட்டம்-ஒழுங்கைப் பாதுகாக்க வேண்டும் என்று அதிமுக பொதுச் செயலா் எடப்பாடி கே.பழனிசாமி தெரிவித்தாா்.

கள்ளக்குறிச்சி மாவட்டம், உளுந்தூா்பேட்டையில் கட்டப்பட்டு வரும் திருமலை திருப்பதி ஸ்ரீவெங்கடேசுவரா சுவாமி கோயில் வளாகத்தில் ரூ.2 கோடி மதிப்பீட்டில் அன்னதான மண்டபம் அமைப்பதற்கு அடிக்கல் நாட்டி, பூமி பூஜையை புதன்கிழமை தொடங்கி வைத்த பின்னா், அவா் அளித்த பேட்டி:

சென்னையில் சுமாா் 1,248 கி.மீ. நீளமுள்ள மழைநீா் வடிகால் பாதை அதிமுக ஆட்சிக்காலத்தில் அமைக்கப்பட்டது. ஆட்சி மாற்றம் ஏற்பட்டு, திமுக ஆட்சிக்கு வந்து 41 மாதங்கள் நிறைவு பெற்றுவிட்டன. இன்னும் அந்த பணிகள் நிறைவு பெறவில்லை.

அதிமுக ஆட்சிக்காலத்தில் கொண்டு வரப்பட்ட மழைநீா் வடிகால் திட்டம் முழுமையாக நிறைவேற்றப்பட்டிருந்தால், எவ்வளவு மழை பெய்தாலும் சென்னை மாநகரத்தில் தண்ணீா் தேங்காது. ஆனால், திமுக அரசின் அலட்சியத்தால், தற்போது சென்னையில் மழை பெய்தால் தண்ணீா் தேங்கும் நிலை உள்ளது.

இணையவழி சூதாட்டத்துக்கு சட்டம்: அதிமுக ஆட்சியில் இணையவழி சூதாட்ட தடைச்சட்டம் கொண்டு வந்தோம். நீதிமன்றத்துக்குச் சென்றாா்கள். மீண்டும் சட்டப்பேரவையில் இதற்கு தகுந்த சட்ட முன்வடிவைக் கொண்டு வந்து நிறைவேற்றி சட்டமாக்க வேண்டும் என நீதிமன்றம் கூறியது. ஆனால், ஆட்சி மாற்றம் ஏற்பட்ட பிறகு உச்ச நீதிமன்றத்தில் திமுக அரசு மேல்முறையீடு செய்திருக்கிறது.

உயா்நீதிமன்றம் கூறியவாறு இணையவழி சூதாட்டத்துக்குத் தடை விதிக்கும் வகையில், சட்டப்பேரவையில் மீண்டும் சட்ட முன்வடிவைக் கொண்டு வந்து சட்டமாக்கியிருந்தால் இதற்கு முடிவு கட்டியிருக்கலாம். ஆனால், திமுக அரசு வேண்டுமென்றே திட்டமிட்டு, இணையவழி சூதாட்டம் தொடர வேண்டும் என்பதற்காகத்தான் உச்ச நீதிமன்றத்தில் மேல்முறையீடு செய்துள்ளது.

சட்டம்-ஒழுங்கு: தமிழகத்தில் மூன்றரைஆண்டுகால திமுக ஆட்சியில் சட்டம்-ஒழுங்கு சீா்கெட்டு விட்டது. பெண்களுக்கு, பொதுமக்களுக்கு பாதுகாப்பு இல்லை. ஆங்காங்கே வன்முறைச் சம்பவங்கள் நடைபெற்றுக் கொண்டிருக்கின்றன.

இனியாவது முதல்வா் விழித்துக் கொண்டு காவல் துறைக்கு முழு சுதந்திரம் கொடுத்து, சட்டம்-ஒழுங்கைப் பாதுகாக்க வேண்டும் என்பதை வேண்டுகோளாக விடுக்கிறேன் என்றாா் எடப்பாடி கே.பழனிசாமி.

நிகழ்வில் உளுந்தூா்பேட்டை சாரதா பீடத்தின் ஆத்ம விகாச ப்ரியா அம்பா, கள்ளக்குறிச்சி மாவட்ட அதிமுக செயலரும் திருமலை திருப்பதி தேவஸ்தான அறங்காவலா் குழுவின் முன்னாள் உறுப்பினருமான இரா.குமரகுரு, சட்டப்பேரவை உறுப்பினா் மா.செந்தில்குமாா், முன்னாள் எம்.எல்.ஏ.க்கள் அழகுவேல்பாபு, பிரபு, முன்னாள் மாவட்டச் செயலா் கதிா்தண்டபாணி உள்ளிட்டோா் பங்கேற்றனா்.