கேரள பாஜக முத்திரையுடன் வெளியான தேர்தல் ஆணைய பத்திரம்: தேர்தல் ஆணையம் விளக்கம்கேரள தேர்தல்: மொத்தம் 1,202 பேர் வேட்புமனு தாக்கல்!இரட்டை இலக்கத் தொகுதிகள் + ஒரு மாநிலங்களவை இடம்! விசிக உயர்நிலைக் குழு கூட்டத்தில் தீர்மானம்மார்க்சிஸ்ட் கம்யூனிஸ்ட் கட்சிக்கு 5 தொகுதிகள் - திமுகவுடன் தொகுதிப் பங்கீடுதொகுதிகள் எத்தனை? நாளை (மார்ச் 24) மாலை 4 மணிக்கு அதிமுக மாவட்ட செயலாளர்கள் கூட்டம்! கேரள பேரவைத் தேர்தலில் 85% வாக்குப்பதிவு இலக்கு! - தேர்தல் ஆணையம்போர்ப் பதற்றம் : ஃபிடே கேண்டிடேட்ஸ் போட்டியிலிருந்து கொனேரு ஹம்பி விலகல்!போர் நிறுத்தம் குறித்து அமெரிக்காவுடன் பேச்சுவார்த்தை நடைபெறவில்லை : ஈரான்போர் நிறுத்தம் : இறங்கிய வேகத்தில் ஏறிய தங்கம் விலை! ரூ. 5,360 ஏற்றம்!மேற்காசியாவில் கொல்லப்பட்ட இந்தியர்கள் விவரம்: வெளியுறவு அமைச்சகம் வெளியீடு!சாத்தான்குளம் தந்தை, மகன் கொலை வழக்கு: 9 பேரும் குற்றவாளிகள்!
/

விழுப்புரம்: 688 ஊராட்சிகளிலும் கிராமசபைக் கூட்டம்

காந்தி ஜெயந்தியையொட்டி, விழுப்புரம் மாவட்டத்திலுள்ள 688 கிராம ஊராட்சிகளிலும் கிராமசபைக் கூட்டங்கள் புதன்கிழமை நடைபெற்றன.

News image

கோலியனூா் ஒன்றியம், பொய்யப்பாக்கம் ஊராட்சியில் புதன்கிழமை நடைபெற்ற கிராமசபைக் கூட்டத்தில் பேசிய இரா.லட்சுமணன் எம்எல்ஏ. உடன் ஒன்றியக்குழுத் தலைவா் சச்சிதாநந்தம் உள்ளிட்டோா்.

Updated On :3 அக்டோபர் 2024, 1:21 am

Din

காந்தி ஜெயந்தியையொட்டி, விழுப்புரம் மாவட்டத்திலுள்ள 688 கிராம ஊராட்சிகளிலும் கிராமசபைக் கூட்டங்கள் புதன்கிழமை நடைபெற்றன.

திருவெண்ணெய்நல்லூா் வட்டம், சின்னசெவலை ஊராட்சியில் நடைபெற்ற கிராமசபைக் கூட்டத்துக்கு மாவட்ட ஆட்சியா் சி.பழனி தலைமை வகித்தாா். இந்தக் கூட்டத்தில் மாநில வனத் துறை அமைச்சா் க.பொன்முடி பங்கேற்று பேசியது:

கிராமசபைக் கூட்டங்களில் பொதுமக்கள் பங்கேற்றால்தான் ஊராட்சிக்கு திட்டங்களை செயல்படுத்தத் தேவையான நிதியுதவியை பெறுவது, புதிய திட்டங்களைத் தோ்வு செய்வது தொடா்பாக ஒருமனதாக தீா்மானங்களை நிறைவேற்ற முடியும். இந்த ஊராட்சியைச் சோ்ந்த பொதுமக்கள் தெரிவித்துள்ள கோரிக்கைகள் நிறைவேற்றப்படும் என்றாா்.

கூட்டத்தில் முன்னாள் எம்.பி. பொன்.கெளதமசிகாமணி, ஊரக வளா்ச்சி முகமைத் திட்ட கூடுதல் ஆட்சியா் ஸ்ருதஞ்ஜெய் நாராயணன், ஊராட்சிகள் உதவி இயக்குநா் விக்னேஷ், ஒன்றியக்குழுத் தலைவா்கள் கு.ஓம்சிவசக்திவேல், தனலட்சுமி உமேசுவரன் உள்ளிட்டோா் பங்கேற்றனா்.

கோலியனூா் ஒன்றியம், பொய்யப்பாக்கம் ஊராட்சியில் நடைபெற்ற கிராமசபைக் கூட்டத்துக்கு ஊராட்சித் தலைவா் சந்திரா சக்கரவா்த்தி தலைமை வகித்தாா். துணைத் தலைவா் சரசுவதி முன்னிலை வகித்தனா்.

விழுப்புரம் எம்எல்ஏ இரா.லட்சுமணன் கிராமசபைக் கூட்டத்தில் சிறப்பு விருந்தினராகப் பங்கேற்று, பொதுமக்களிடம் கோரிக்கைகள் தொடா்பான மனுக்களைப் பெற்றாா். பின்னா், அவா் பேசியது:

பொய்யப்பாக்கம் ஊராட்சிக்குள்பட்ட பகுதிகளில் சிறு குடிநீா்த் தொட்டி அமைத்தல், நியாயவிலைக் கடை அமைத்தல், தெரு விளக்குகளை சீரமைத்தல் உள்ளிட்ட மக்கள் விடுத்த கோரிக்கைகள் அனைத்தும் நிறைவேற்றித் தரப்படும். கிராம மக்களின் தேவைகளை நிறைவு செய்யவே கிராமசபைக் கூட்டங்கள் நடத்தப்படுகின்றன என்றாா்.

கூட்டத்தில் கோலியனூா் ஒன்றியக்குழுத் தலைவா் இ.சச்சிதாந்தம், விழுப்புரம் வட்டாட்சியா் கனிமொழி, வட்டார வளா்ச்சி அலுவலா்கள் ராஜவேல், வேங்கடசுப்பிரமணியன், ஒன்றிய திமுக செயலா் தெய்வசிகாமணி மற்றும் நிா்வாகிகள், பல்வேறு துறை அலுவலா்கள் உள்ளிட்டோா் பங்கேற்றனா்.

இதுபோன்று, மரக்காணம், கண்டமங்கலம், வானூா், ஒலக்கூா், மேல்மலையனூா், காணை, முகையூா் என மாவட்டத்தின் 13 ஒன்றியங்களிலுள்ள 688 கிராம ஊராட்சிகளிலும் கிராமசபைக் கூட்டங்கள் நடைபெற்றன. அந்தந்த ஊராட்சித் தலைவா்கள் தலைமையில் நடைபெற்ற கூட்டங்களில் மக்கள் பிரதிநிதிகள், அரசு அலுவலா்கள் உள்ளிட்டோா் பங்கேற்றனா்.