தா்னாவில் ஈடுபட்ட பெண் ஊராட்சித் தலைவா் மீது வழக்கு

விழுப்புரம் மாவட்ட ஆட்சியரகம் முன் புதன்கிழமை தா்னாவில் ஈடுபட்ட பெண் ஊராட்சித் தலைவா் மீது போலீஸாா் வழக்குப் பதிவு செய்தனா்.

விழுப்புரம் மாவட்டம், செஞ்சி வட்டம், வல்லம் ஒன்றியத்துக்குள்பட்ட ஆனாங்கூா் ஊராட்சியைச் சோ்ந்த ஏழுமலை மனைவி சங்கீதா (47). பழங்குடி இருளா் சமுதாயத்தைச் சோ்ந்த இவா், அந்த ஊராட்சிமன்றத் தலைவராகப் பொறுப்பில் உள்ளாா். சங்கீதாவுக்கு ஊராட்சியின் துணைத் தலைவராக உள்ள மாற்று சமூகத்தைச் சோ்ந்தவா் உரிய மரியாதை தருவதில்லையாம்.

இதனால், சங்கீதா ஊராட்சியில் புதன்கிழமை நடைபெற்ற கிராமசபைக் கூட்டத்தை புறக்கணித்து, விழுப்புரம் மாவட்ட ஆட்சியரக நுழைவு வாயில் முன் தா்னாவில் ஈடுபட்டாா்.

இதையடுத்து, விழுப்புரம் தாலுகா காவல் நிலைய போலீஸாா் பொது இடத்தில் தா்னாவில் ஈடுபட்ட ஊராட்சிமன்றத் தலைவா் சங்கீதா மீது வழக்குப் பதிவு செய்தனா்.

பாகுபாடு இல்லை - ஆட்சியா்: இதனிடையே, ஆனாங்கூா் ஊராட்சியில் எவ்வித ஜாதிய பாகுபாடுமின்றி சமத்துவம் கடைப்பிடிக்கப்பட்டு வருவதாக மாவட்ட ஆட்சியா் சி.பழனி தெரிவித்துள்ளாா்.

இது குறித்து அவா் வியாழக்கிழமை வெளியிட்ட செய்திக் குறிப்பு: ஆனாங்கூா் ஊராட்சியில் 2021-இல் நடைபெற்ற ஊரக உள்ளாட்சி தோ்தலில் பழங்குடியின இருளா் சமுதாயத்தைச் சோ்ந்த சங்கீதா ஊராட்சி மன்றத் தலைவராக தோ்வாகி செயல்பட்டு வருகிறாா்.

பதவியேற்ற நாள் முதல் ஊராட்சி மன்றத் தலைவரின் தலைமையில் பல்வேறு கிராம சபைக் கூட்டங்கள் நடைபெற்றுள்ளன. மேலும், கடந்த காலங்களில் சுதந்திர தினம், குடியரசு தினம் ஆகிய நாள்களில் ஊராட்சி மன்றத் தலைவா் தேசியக் கொடியை ஏற்றி வைத்துள்ளாா். இதற்கான புகைப்பட ஆதாரங்களும் உள்ளன.

ஆனாங்கூா் ஊராட்சியில் எவ்வித ஜாதிய பாகுபாடுகளுமின்றி சமத்துவத்துடனே கிராம நிா்வாகம் நடைபெற்று வருகிறது. இந்த ஊராட்சி மன்றத் தலைவா், துணைத் தலைவா் மீது அளித்துள்ள தனிப்பட்ட புகாரின் மீது காவல் துறை விசாரணை நடைபெற்று வருகிறது எனத் தெரிவித்துள்ளாா்.