மாரிகுப்பம்-கே.எஸ்.ஆா் பெங்களூரு இடையிலான ரயில் சேவை கெங்கேரி ரயில் நிலையம் வரை 3 நாள்களுக்கு நீட்டிக்கப்பட்டுள்ளது.

இதுகுறித்து தென்மேற்கு ரயில்வே வெளியிட்ட செய்திக்குறிப்பு: மாரிகுப்பம்-கே.எஸ்.ஆா் பெங்களூரு இடையிலான ரயில் சேவை(66555) கெங்கேரி வரை ரயில்நிலையம் வரை ஜன. 3 ஆம் தேதி முதல் 5 ஆம் தேதி வரை 3 நாள்களுக்கு நீட்டிக்கப்பட்டுள்ளது. 3 நாள்களும் மாரிகுப்பத்திலிருந்து தினமும் காலை 6.25 மணிக்கு புறப்பட்டு 9.05 மணிக்கு கே.எஸ்.ஆா் பெங்களூரு ரயில் நிலையத்தை சென்றடையும் ரயில், அங்கிருந்து 9.10 மணிக்கு புறப்பட்டு, 9.45 மணியளவில் கெங்கேரி ரயில் நிலையத்தை சென்றடையும் என அதில் தெரிவிக்கப்பட்டுள்ளது.