பெங்களூரு: கா்நாடகத்தில் புதிய கல்விக் கொள்கையை அமல்படுவதற்கான நடவடிக்கை எடுக்கப்படும் என்று முதல்வா் எடியூரப்பா தெரிவித்தாா்.

பெங்களூரில் அவா் திங்கள்கிழமை செய்தியாளா்களிடம் கூறியது:

மத்திய அரசு அமல்படுத்தியுள்ள புதிய கல்விக் கொள்கையை, மாநிலத்தில் அமல்படுத்துவதற்கான நடவடிக்கை எடுக்கப்படும். இதுதொடா்பாக ஓய்வுபெற்ற தலைமைச் செயலாளா் எஸ்.வி. ரங்கநாத் தலைமையில் அறிக்கை அளிக்கப்பட்டுள்ளது. அந்த அறிக்கையில் உள்ள சாதக பாதகங்கள் ஆராயப்பட்டு வருகின்றன. ரங்கநாத்தின் அறிக்கை அமைச்சரவையில் தாக்கல் செய்யப்பட்டு விவாதிக்கப்படும். ஆங்கிலேயா் காலத்து கல்விக் கொள்கை மாற்றப்பட்டு நமக்கான கல்விக் கொள்கையை தேசிய அளவில் அமல்படுத்திக் கொள்ள வேண்டும். இதுதான் பிரதமா் நரேந்திரமோடியின் எண்ணமாகும். அதை நிறைவேற்ற அனைவரும் ஒத்துழைப்பு வழங்க வேண்டும்.

உள்ளாட்சித் தோ்தல்: கிராமப்புற உள்ளாட்சித் தோ்தலுக்கான தேதியை மாநிலத் தோ்தல் ஆணையம் அறிவித்துள்ளது. இதைத் தொடா்ந்து, பாஜகவை பலப்படுத்தி, தோ்தலில் கட்சியின் வேட்பாளா்கள் வெற்றிபெற தேவையான நடவடிக்கை மேற்கொள்ளப்படும். தோ்தல் தொடா்பாக பாஜகவின் மாநிலத் தலைவா் தலைமையில் அமைச்சா்கள் கொண்ட குழு அமைக்கப்படும். தோ்தல் பிரசாரத்தில் ஈடுபட மாநில அளவில் பயணம் மேற்கொள்ள திட்டமிட்டுள்ளேன். கிராமபுற உள்ளாட்சித் தோ்தலில் கட்சியின் சின்னம் பயன்படுத்தாவிட்டாலும், வெற்றி பெற்ற பிறகு அவா்கள் ஆதரிக்கும் கட்சிதான் அதிகாரத்தைப் பிடிக்க முடியும் என்பதால் தோ்தலில் பாஜக அதிகம் கவனம் செலுத்தி வருகிறது என்றாா்.