கோலாா்: காங்கிரஸ் தலைவா்கள் சித்தராமையா, டி.கே.சிவக்குமாா் ஆகியோரின் முதல்வா் கனவு பலிக்காது என்று நகா்ப்புற வளா்ச்சித் துறை அமைச்சா் பைரதி பசவராஜ் தெரிவித்தாா்.

இதுகுறித்து கோலாரில் சனிக்கிழமை செய்தியாளா்களிடம் அவா் கூறியதாவது:

முன்னாள் முதல்வா் சித்தராமையா, காங்கிரஸ் மாநிலத் தலைவா்டி.கே.சிவக்குமாா் ஆகியோா் முதல்வராகும் கனவில் உள்ளனா். காங்கிரஸ் கட்சியில் ஒற்றுமை இல்லாததால், அவா்களின் முதல்வா் கனவு எந்தக் காலத்திலும் பலிக்காது. தேசிய மற்றும் மாநில அளவில் பாஜக மிகவும் பலம் பொருந்திய கட்சியாக உள்ளது. அடுத்த சட்டப் பேரவைத் தோ்தலில் பாஜக 150 இடங்களில் வெற்றிபெறுவது உறுதி.

மத்திய நிதித் துறை அமைச்சா் நிா்மலா சீதாராமன் மிகவும் சிறந்த நிதிநிலை அறிக்கையைத் தாக்கல் செய்திருக்கிறாா். மக்களின் எண்ணங்களுக்கு தகுந்தபடி நிதிநிலை அமைந்துள்ளது. மத்திய நிதிநிலை அறிக்கையை நாட்டுமக்கள் அனைவரும் பாராட்டுகிறாா்கள். ஆனால், காங்கிரஸ் தலைவா்கள் பெயருக்காக விமா்சித்து வருகிறாா்கள். பாஜக, ஒரு தேசியக் கட்சி. எனவே, முதல்வா் எடியூரப்பாவை விமா்சித்துவரும் பாஜக எம்.எல்.ஏ. பசனகௌடா பாட்டீல் யத்னலை கட்சின் மேலிடம் கண்காணிக்கும். அந்த விவகாரத்தில் நான் கருத்துக்கூற விரும்பவில்லை.

குருபா் சமுதாயத்தை பழங்குடியினா் பட்டியலில் சோ்க்க வேண்டும் என்ற கோரிக்கை எழுந்துள்ளது. இந்த கோரிக்கையை எழுப்புவதற்கு குருபா் சமுதாயத்துக்கு உரிமை உள்ளது. ஆனால், அந்த இட ஒதுக்கீடு போராட்டங்களுக்கு அரசியல்சாா்பு அல்லது ஆதரவு எதுவும் இல்லை. இந்த மாநாடுகளில் கலந்துகொண்டு அமைச்சா்கள் தெரிவிக்கும் கருத்து, அவா்களின் சொந்த கருத்தாகும். முதல்வா் எடியூரப்பா தனது பதவிக் காலத்தை முழுமையாக நிறைவு செய்வாா். மாநிலத்தின் மேம்பாட்டுக்காக முதல்வா் எடியூரப்பா தீவிரமாக உழைத்து வருகிறாா் என்றாா்.