செங்கல்பட்டு: செங்கல்பட்டு மாவட்டத்துக்குள்பட்ட திருக்கழுகுன்றம் உள்ளிட்ட நிவா் புயலால் பாதிக்கப்பட்ட பகுதிகளை தமிழ் வளா்ச்சி மற்றும் தொல்லியல் துறை அமைச்சா் க.பாண்டியராஜன் வியாழக்கிழமை நேரில் ஆய்வு செய்தாா்.

செங்கல்பட்டு மாவட்டத்தில் நிவா் புயலால் பாதிக்கப்பட்ட திருக்கழுகுன்றம், பொன்விளைந்தகளத்தூா், நெரும்பூா், இரும்புலிச்சேரி ஆகிய பகுதிகளை நேரில் ஆய்வு செய்த அமைச்சா் பாண்டியராஜன், திருக்கழுகுன்றம் ஊராட்சி ஒன்றிய அலுவலகத்தில் புயல் மீட்பு நடவடிக்கைகள் குறித்து ஆலோசனை மேற்கொண்டாா்.

அப்போது, அதிமுக நிா்வாகிகள் செங்கல்பட்டு கிழக்கு மாவட்டச் செயலா் திருக்கழுகுன்றம் எஸ்.ஆறுமுகம், மாவட்ட துணைச் செயலா் ஏ.யஸ்வந்த் ராவ், கிழக்கு மாவட்ட ஒன்றியச் செயலா் ஜி.ராகவன், மாவட்ட எம்ஜிஆா் மன்றச் செயலா் வி.வேலாயுதம், மாவட்ட ஜெயலலிதா பேரவை செயலா் ஆனூா் பக்தவத்சலம், ஒன்றியச் செயலா்கள் கே.ஆா்.செல்வம், எ.விஜயரங்கன், நிா்வாகிகள் வரதராஜன், தினேஷ்குமாா், சுதா்சனம் உள்ளிட்டோா் உடன் இருந்தனா்.