சென்னையை அடுத்த தண்டலத்தில் சக்தி மாரியம்மன் பொறியியல் கல்லூரி வளாகத்தில் சக்தி வித்யாஸ்ரம் பள்ளி தொடக்க விழா புதன்கிழமை நடைபெற்றது.
விழாவிற்கு ஸ்ரீபெரும்புதூர் மக்களவை உறுப்பினர் கே.என்.ராமச்சந்திரன் தலைமை வகித்தார். ஆர்.எம்.கே.கல்விக் குழுமத்தின் தலைவர் ஆர்.எஸ்.முனிரத்தினம் சிறப்பு விருந்தினராகப் பங்கேற்று பள்ளியைத் திறந்து வைத்தார். கண்ணம்மாள் கல்வி அறக்கட்டளை அறங்காவலர் ஆர்.திலகவதி ராமச்சந்திரன் குத்துவிளக்கேற்றினார். சீயோன் மெட்ரிக் மேல்நிலைப்பள்ளி முதல்வர் என்.விஜயன், காஞ்சிபுரம் மாவட்ட முதன்மைக் கல்வி அலுவலர் ஆர்.திருவளர் செல்வி வாழ்த்துரை வழங்கினர்.
ஓய்வுபெற்ற ஐ.ஏ.எஸ்.அதிகாரிகள் பிச்சாண்டி, டாமின் மனோகரன், சக்தி மாரியம்மன் கல்விக் குழுமத் தலைவர் ஆர்.ராஜசேகரன், துணைத் தலைவர் ஆர்.அருண்குமரன், வழக்குரைஞர் நடராஜன் உள்ளிட்டோர் விழாவில் பங்கேற்றனர்.