வேளச்சேரி பிரதான சாலையில் உள்ள மின்மயான பூமியில் பராமரிப்புப் பணிகள் நடைபெறுவதால் அருகிலுள்ள மின்மயானத்தை பயன்படுத்திக் கொள்ள அறிவுறுத்தப்பட்டுள்ளது.

இதுகுறித்து சென்னை மாநகராட்சி ஆணையா் கோ.பிரகாஷ் வெள்ளிக்கிழமை வெளியிட்ட செய்திக்குறிப்பு: பெருநகர சென்னை மாநகராட்சி பொதுசுகாதாரத்துறையின் அடையாறு மண்டலத்தின் கீழ் வேளச்சேரி பிரதான சாலையில் அமைந்துள்ள மின்மயானபூமியில் பராமரிப்பு பணி மேற்கொள்ள வேண்டியிருப்பதால், சனிக்கிழமை (அக்.26) முதல் நவ.9-ஆம் தேதி வரை இந்த மயான பூமி இயங்காது. மேலும், பராமரிப்பு பணிகள் நடைபெறும் நாள்களில் பொதுமக்கள் அருகிலுள்ள பாலகிருஷ்ணாபுரம், கோட்டூா்புரம், கிண்டி, சைதாப்பேட்டை மற்றும் வேளச்சேரி மயானபூமிகளை பயன்படுத்திக் கொள்ளுமாறு தெரிவிக்கப்பட்டுள்ளது.