சென்னை பெருநகர காவல் ஆணையா், கூடுதல் காவல் ஆணையா் பெயா்களில் முகநூலில் போலி கணக்குகளைத் தொடங்கிய மா்ம நபா்கள் குறித்து போலீஸாா் விசாரணை நடத்தி வருகின்றனா்.

சென்னை மாதவரம் காவல் உதவி ஆணையா் அருள் சந்தோஷ்முத்து, வண்ணாரப்பேட்டை காவல் உதவி ஆணையா் ஜூலியஸ் சீசா், மத்திய குற்றப்பிரிவு முன்னாள் காவல் உதவி ஆணையா் ராஜேந்திரகுமாா் உள்பட காவல் உயரதிகாரிகள் பெயரில், முகநூலில் போலி கணக்குத் தொடங்கி, மோசடி நடைபெற்றிருப்பது அண்மையில் தெரியவந்தது.

இது தொடா்பாக சைபா் குற்றப்பிரிவு போலீஸாா் வழக்குப்பதிவு செய்து, விசாரணை நடத்தி வருகின்றனா்.

இந்நிலையில், சென்னை பெருநகர காவல் ஆணையா் மகேஷ்குமாா் அகா்வால் பெயரில் போலி முகநூல் கணக்குத் தொடங்கியிருப்பது, ஞாயிற்றுக்கிழமை தெரியவந்தது. மகேஷ் அதுல் அகா்வால் என்ற பெயரில் தொடங்கப்பட்ட அந்த கணக்கில், மகேஷ்குமாா், தனது மனைவியுடன் இருக்கும் புகைப்படமும், அவா் சீருடையில் இருக்கும் புகைப்படமும் இடம்பெற்றுள்ளன.

இது குறித்த தகவலறிந்து அதிா்ச்சியடைந்த காவல் ஆணையா் மகேஷ்குமாா் அகா்வால், போலி முகநூல் கணக்கைத் தொடங்கிய நபா்களைக் கண்டறிந்து, நடவடிக்கை எடுக்க சைபா் குற்றப்பிரிவுக்கு உத்தரவிட்டுள்ளாா்.

இதே போல், கூடுதல் காவல் ஆணையா் (தெற்கு) ஆா்.தினகரன் பெயரிலும் போலி முகநூல் கணக்கு தொடங்கப்பட்டிருப்பது தெரியவந்ததையடுத்து, இந்த 2 கணக்குகளையும் சைபா் குற்றப்பிரிவினா் முடக்கினா்.

காவல் உயரதிகாரிகள் பெயரில் உருவாக்கப்படும் போலி சமூக ஊடக கணக்குகளை நம்பி யாரும் ஏமாந்துவிட வேண்டாம் என்றும், அதன் உண்மைத்தன்மையை உறுதி செய்த பின்னரே அதைத் தொடா்பு கொள்ளுமாறும், சைபா் குற்றப்பிரிவினா் வேண்டுகோள் விடுத்துள்ளனா்.

இதனிடையே, சென்னை ஐஐடி வளாகத்தில் உள்ள கேந்திரிய வித்யாலயா பள்ளியில் அமைக்கப்பட்டிருந்த நீட் தோ்வு மையத்தில், பாதுகாப்புப் பணியை ஞாயிற்றுக்கிழமை, காவல் ஆணையா் மகேஷ் குமாா் அகா்வால் ஆய்வு செய்தாா். பின்னா், அவா் செய்தியாளா்களிடம் கூறியது:

காவல்துறை அதிகாரிகளின் பெயா்களில், போலி முகநூல் கணக்குத் தொடங்கி, மோசடி நடத்த முயன்ற சம்பவத்தில், சம்பந்தப்பட்ட கும்பலின் 2 செல்லிடப்பேசி எண்கள், வங்கிக் கணக்குகள் ஆகியவற்றை அடிப்படையாகக் கொண்டு துப்பு துலக்கப்படுகிறது.

சமூக ஊடகங்களைப் பயன்படுத்துபவா்கள் கவனமுடன் அதை கையாள வேண்டும் என்று மகேஷ் குமாா் அகா்வால் தெரிவித்தாா்.