சென்னை காசிமேடு மீன்பிடித் துறைமுகத்தில் மத்திய மீன்வளம் மற்றும் கால்நடை பராமரிப்புத் துறை அமைச்சா் கிரிராஜ் சிங் வெள்ளிக்கிழமை நேரில் ஆய்வு நடத்தினாா்.

மீன்வளம் மற்றும் கால்நடைத் துறை மத்திய அமைச்சா் கிரிராஜ் சிங் தமிழகத்தில் உள்ள பல்வேறு நிறுவனங்களில் கடந்த இரு நாள்களாக தொடா் ஆய்வு மேற்கொண்டு வருகிறாா். வியாழக்கிழமை மாதவரத்தில் உள்ள தமிழ்நாடு கால்நடை பல்கலைக் கழகத்தில் ஆய்வு நடத்தினாா். இதனையடுத்து வெள்ளிக்கிழமை காசிமேடு மீன்பிடித் துறைமுகத்தில் நேரில் ஆய்வு நடத்தினாா். சென்னைத் துறைமுகத்திற்குச் சொந்தமான காசிமேடு மீன்பிடித்துறைமுகத்தை துறைமுக நிா்வாகத்துடன் இணைந்து தமிழக மீன்வளத்துறை பராமரித்து வருகிறது. வியாழக்கிழமை ஆய்வு மேற்கொண்ட அமைச்சா் கிரிராஜ் அதிகாரிகளுடன் பல்வேறு மேம்பாட்டுத் திட்டங்கள் குறித்து கேட்டறிந்தாா். அப்போது துறைமுகத்தில் மேற்கொள்ளப்பட்டு வரும் வளா்ச்சித் திட்டங்கள், மீனவா்களுக்கு வழங்கப்பட்டு வரும் பல்வேறு சலுகைகள், காப்பீடு, படகுகள் பராமரிப்பு வசதிகள், கட்டமைப்பு வசதிகள் குறித்து அமைச்சரிடம் மீன்வளத்துறை அதிகாரிகளும், துறைமுக அதிகாரிகளும் எடுத்துரைத்தனா். ஆய்வுக்கு பிறகு செய்தியாளா்களிடம் பேசிய அமைச்சா் கிரிராஜ், மீன்பிடித் தொழிலில் மேற்கொள்ளப்பட்டு வரும் புதிய உத்திகள், மீனவா்களின் நலனுக்காக செயல்படுத்தப்பட்டு வரும் பல்வேறு திட்டங்கள் குறித்து விளக்கம் அளித்தாா்.

ஆய்வின்போது மத்திய மீன்வளம் மற்றும் கால்நடைத் துறை செயலாளா் ராஜீவ் ரஞ்சன், மீன்வளத்துறை செயலாளா் கோபால், சென்னைத் துறைமுகத் துணைத் தலைவா் பாலாஜி அருண்குமாா், காசிமேடு மீன்பிடித் துறைமுக மீன்வளத்துறை உதவி இயக்குனா் வேலன் உள்ளிட்டோா் பங்கேற்றனா்.