சென்னை: சென்னையில் ஓய்வு பெற்ற டிஜிபியின் காா் ஓட்டுநா், நீதிபதி பாதுகாப்புப் பிரிவு உதவி ஆய்வாளா் ஆகியோா் கரோனா தொற்றால் உயிரிழந்தனா்.

சென்னையை அடுத்த புழலைச் சோ்ந்த கமலநாதன் (33), ஆயுதப்படை காவலராக இருந்தவா். இவா் கடந்த மாதம் 25ஆம் தேதி ராஜீவ் காந்தி பொது மருத்துவமனையில் உள்நோயாளியாக அனுமதிக்கப்பட்டு சிகிச்சை பெற்று வந்தாா். இந்த நிலையில் சிகிச்சை பலனின்றி செவ்வாய்க்கிழமை அதிகாலை உயிரிழந்தாா். இவா் ஓய்வு பெற்ற டிஜிபி ஜாஃபா் சேட்டுக்கு காா் ஓட்டுநராகப் பணியாற்றி வந்தவா்.

இதேபோன்று எஸ்பி சிஐடி பாதுகாப்புப் பிரிவு காவல் உதவி ஆய்வாளராகப் பணியாற்றி வந்த ஆவடியை சோ்ந்த சின்னக்கண்ணுவும் கரோனாவுக்கு சிகிச்சை பெற்று வந்த நிலையில் திங்கள்கிழமை உயிரிழந்தாா். இவா் உயா்நீதிமன்ற நீதிபதி ஒருவருக்கு கடந்த 6 ஆண்டுகளாக பாதுகாவலராகப் பணியாற்றி வந்தாா்.