சென்னை: சுதந்திர தினத்தையொட்டி, கோட்டை கொத்தளத்தில் வியாழக்கிழமை (ஆக.15) தேசியக் கொடியை முதல்வா் மு.க.ஸ்டாலின் ஏற்றி வைத்து உரையாற்றுகிறாா்.

சுதந்திர தினத்தன்று விழா மேடையில் தமிழ்நாட்டுக்கும், தமிழின வளா்ச்சிக்கும் பங்காற்றியவா்களைப் பெருமைப்படுத்தும் விதமாக ‘தகைசால் தமிழா்’ என்ற பெயரிலான விருதுக்கு காங்கிரஸ் கட்சியின் முதுபெரும் தலைவரும், இலக்கியவாதியுமான குமரி அனந்தன் தோ்வு செய்யப்பட்டுள்ளாா். ரூ. 10 லட்சத்துக்கான காசோலை மற்றும் பாராட்டுச் சான்றிதழ் அடங்கிய, தகைசால் தமிழா் விருதை சுதந்திர தின விழாவின் போது முதல்வா் மு.க.ஸ்டாலின் வழங்குகிறாா்.

விருதுகள்: அறிவியல் தொழில்நுட்பத்தில் சிறந்து விளங்குபவா்களுக்கு டாக்டா் அப்துல் கலாம் விருது, துணிவு மற்றும் சாகச செயலுக்கான கல்பனா சாவ்லா விருது, முதல்வரின் நல் ஆளுமை விருது, மாற்றுத்திறனாளிகள் நலனுக்காக மிகச்சிறந்த சேவை புரிந்தோருக்கான தமிழ்நாடு அரசு விருதுகள், மகளிா் நலனுக்காக சிறப்பாகத் தொண்டாற்றிய தொண்டு நிறுவனம் மற்றும் சமூக பணியாளருக்கான விருதுகள், சிறந்த உள்ளாட்சி அமைப்புகளுக்கான முதல்வா் விருதுகள், முதல்வரின் மாநில இளைஞா் விருதுகள் உள்ளிட்ட விருதுகளையும் முதல்வா் மு.க.ஸ்டாலின் விழா மேடையிலேயே வழங்கி கெளரவிக்கிறாா்.

முன்னதாக, காலை 8.45 மணிக்கு சுதந்திர தினவிழா நிகழ்ச்சிக்காக கோட்டைக்கு வரும் முதல்வா் மு.க.ஸ்டாலினை தலைமைச் செயலா் சிவ்தாஸ் மீனா வரவேற்கிறாா். முதல்வருக்கு முப்படை அதிகாரிகள், டிஜிபி சங்கா் ஜிவால், சட்டம் - ஒழுங்கு கூடுதல் டிஜிபி டேவிட்சன் தேவாசீா்வாதம், சென்னை காவல் ஆணையா் அருண் ஆகியோரை தலைமை செயலா் சிவ்தாஸ் மீனா அறிமுகம் செய்து வைப்பாா்.

அணிவகுப்பு மரியாதை: காவல் துறையினரின் அணிவகுப்பு மரியாதையை முதல்வா் மு.க.ஸ்டாலின் ஏற்றுக்கொள்வாா். பின்னா் கோட்டை கொத்தளத்தின் மேல் உள்ள கொடியேற்றும் இடத்துக்கு முதல்வா் மு.க.ஸ்டாலின் வந்து, தேசியக் கொடியை ஏற்றி, மரியாதை செலுத்துகிறாா். தொடா்ந்து, தமிழக மக்களுக்கு சுதந்திர தின உரை நிகழ்த்த உள்ளாா்.

இந்த விழாவுக்கு வருகை தரும், முக்கிய பிரமுகா்கள் அமருவதற்காக புனித ஜாா்ஜ் கோட்டைக்கு எதிா்புறம் உள்ள பூங்காவில் சிறப்பு ஏற்பாடுகள் செய்யப்பட்டு வருகிறது. சுதந்திர தினவிழாவில் பங்கேற்கும் அமைச்சா்கள், எம்.பி.க்கள், எல்எல்ஏ-க்கள், உயா் அதிகாரிகள் மற்றும் சிறப்பு விருந்தினா்கள், பொதுமக்கள் உள்ளிட்டோா் அமா்ந்து நிகழ்ச்சிகளைக் காண தனித்தனி மேடைகள் அமைக்கப்பட்டுள்ளன.

ஒத்திகை நிகழ்வுகள்: சுதந்திர தினவிழாவையொட்டி ஒத்திகை நிகழ்ச்சி 3 முறை கோட்டை கொத்தளத்தில் நடத்தி பாா்க்கப்பட்டன. அந்த வகையில், இறுதி ஒத்திகை நிகழ்வு செவ்வாய்க்கிழமை நடைபெற்றது. சுதந்திர தினத்தன்று முதல்வா் மு.க.ஸ்டாலினை மோட்டாா் சைக்கிள் புடைசூழ காவல் துறை வாகன அணிவகுப்புடன் அழைத்து வருவது போன்று நிகழ்த்திக் காட்டப்பட்டது.

வெள்ளை நிற போலீஸ் திறந்த ஜீப்பில் ஒருவரை நிறுத்தி அணிவகுப்புகளை பாா்வையிடுவது போன்றும், குதிரைப்படை, கமாண்டோ படை, ஆயுதப்படை உள்ளிட்ட 7 படைப்பிரிவினரின் அணிவகுப்பு மரியாதையை ஏற்றுக்கொண்டு, தேசிய கொடியை ஏற்றுவது போன்றும் ஒத்திகை நடத்தி பாா்க்கப்பட்டது. மேலும், கோட்டை கொத்தளத்தில் விருதுகள், பதக்கங்கள் வழங்குவது போன்றும் ஒத்திகை நடத்தி பாா்க்கப்பட்டது.

சுதந்திர தின விழா நடைபெறவுள்ள கோட்டை கொத்தளப் பகுதி உள்பட தலைமைச் செயலக வளாகத்தில் பலத்த போலீஸ் பாதுகாப்பு போடப்பட்டுள்ளது.