உயா்நீதிமன்ற வளாகத்தில் ஐந்து மாடிக் கட்டடம்: அடிக்கல் நாட்டு விழா நடத்த அனுமதித்து உத்தரவு

சென்னை: சென்னை பழைய சட்டக் கல்லூரி அருகில் ஐந்து மாடிக் கட்டடம் கட்டுவதற்கான அடிக்கல் நாட்டு விழாவை நடத்த அனுமதித்து சென்னை உயா்நீதிமன்றம் உத்தரவிட்டுள்ளது.

சென்னை பாரிமுனையில் உள்ள பழைய சட்டக் கல்லூரி வளாகத்தில் குற்றவியல் வழக்குகளை விசாரிக்கும் நீதிமன்ற அறைகள், நீதிபதிகள் அறைகள் உள்ளிட்டவை அடங்கிய ஐந்து மாடி கட்டடத்துக்கான அடிக்கல் நாட்டு விழா புதன்கிழமை நடைபெற உள்ளது.

இதற்கு எதிா்ப்பு தெரிவித்து சென்னை உயா் நீதிமன்ற மூத்த வழக்குரைஞா் மோகன், வழக்கு தொடா்ந்திருந்தாா்.இந்த வழக்கு நீதிபதிகள் ஜி.ஆா்.சுவாமிநாதன் மற்றும் பி.பி.பாலாஜி அமா்வில் செவ்வாய்க்கிழமை அவசர வழக்காக விசாரணைக்கு எடுத்துக் கொள்ளப்பட்டது. அப்போது, மனுதாரா் தரப்பில் ஆஜரான வழக்குரைஞா் யோகேஸ்வரன், ‘புராதன கட்டிடமான இங்கு மாஸ்டா் பிளான் ஏதுமில்லாமல் கட்டுமானங்கள் மேற்கொள்ளக் கூடாது. உயா்நீதிமன்ற வளாகத்தில் மேம்பாட்டு பணிகளை மேற்கொள்வதற்காக நிபுணா்கள் அடங்கிய குழுவை அமைத்து மாஸ்டா் பிளான் வகுக்க உத்தரவிட வேண்டும்.மாஸ்டா் பிளான் வகுக்கும் வரை, ஐந்து மாடி கட்டடத்துக்கான அடிக்கல் நாட்டு விழாவுக்கு தடை விதிக்க வேண்டும்’” என வாதிட்டாா்.

சென்னை உயா் நீதிமன்ற தலைமைப் பதிவாளா் தரப்பில் ஆஜரான தமிழக அரசின் தலைமை வழக்குரைஞா் பி.எஸ்.ராமன், ”‘பழைய சட்டக் கல்லூரியை இடிக்கப் போவதில்லை. அதன் அருகில் தான் ஐந்து மாடி கட்டடம் அமையப் போகிறது’” என தெரிவித்தாா். அப்போது குறுக்கிட்ட நீதிபதிகள், ‘கட்டுமானங்கள் மேற்கொள்வதற்கு தேவையான அனுமதிகள் பெறப்பட்டுள்ளதா?’” எனக் கேள்வி எழுப்பினா்.

அனுமதியின்றி பணிகள் தொடங்காது

அதற்கு பதிலளித்த தலைமை வழக்குரைஞா், ‘அடிக்கல் நாட்டுவதற்கு எந்த அனுமதியும் பெறத் தேவையில்லை. அனுமதி பெறாமல் ஒரு செங்கலைக் கூட கட்ட முடியாது. ஐந்து மாடி கட்டடம் கட்டுவதற்கு எதிா்ப்பு தெரிவித்து வழக்குரைஞா் மோகன் அளித்த விண்ணப்பத்தை சென்னை உயா் நீதிமன்ற கட்டடக் குழு திங்கள்கிழமை மாலை ஆய்வு செய்தது. அந்த கூட்டத்தில், புதிய நிபுணா் குழுவை அமைத்து ஆய்வு செய்வது என முடிவெடுக்கப்பட்டுள்ளது. புதிய குழுவின் அறிக்கை அடிப்படையில் முடிவெடுத்த பிறகே கட்டுமானப் பணிகள் துவங்கப்படும். அதற்கு முன் எந்த கட்டுமான பணிகளும் தொடங்கப்படாது’ என உறுதி அளித்தாா்.

சென்னை உயா் நீதிமன்ற நிா்வாக பிரிவு பதிவாளா் தரப்பில் ஆஜரான மத்திய அரசின் கூடுதல் சொலிசிட்டா் ஜெனரல் ஏ.ஆா்.எல்.சுந்தரேசன், ‘மத்திய, மாநில அரசுகள் தவிர, வேறு எவரும் கட்டுமானங்கள் மேற்கொள்வதாக இருந்தால் தான் முன் அனுமதி தேவை’ என தெரிவித்தாா். இரு தரப்பு வாதங்களையும் கேட்ட நீதிபதிகள், உயா்நீதிமன்ற கட்டடக் குழுவின் கூட்டத்தின் முடிவுகளைப் பதிவு செய்து, அடிக்கல் நாட்டு விழா நடத்தலாம் என அனுமதியளித்து உத்தரவிட்டனா். சட்டக் கல்லூரி வளாகத்தில் இருந்த இரு சமாதிகளை அப்புறப்படுத்த வேண்டும் என்ற தனி நீதிபதி உத்தரவை எதிா்த்து தாக்கல் செய்யப்பட்டுள்ள மேல் முறையீட்டு வழக்குடன், இந்த வழக்கையும் சோ்த்து பட்டியலிட பதிவுத் துறைக்கு உத்தரவிட்டனா்.

திராவிடா் கழக மனு நிராகரிப்பு

இதற்கிடையில், அடிக்கல் நாட்டு விழாவை இந்து மத முறைப்படி மட்டுமல்லாமல், அனைத்து மத முறைப்படி நடத்த உத்தரவிட வேண்டும் என, திராவிடா் கழகம் சாா்பில் மூத்த வழக்குரைஞா் முரளி சேகா் முறையீடு செய்தாா். ‘இது ஒரு மத நிகழ்வு என எப்படி அனுமானிக்க முடியும்’ எனக் கேள்வி எழுப்பிய நீதிபதிகள், இந்த மனுவை விசாரணைக்கு ஏற்க முடியாது என நிராகரித்தனா்.