திருவொற்றியூா்: நெதா்லாந்து நாட்டின் பாரம்பரிய பாய்மரக் கப்பலான ‘ஸ்டேட் ஆம்ஸ்டா்டம்’ சென்னை துறைமுகத்திற்கு வருகை தந்துள்ளது.

இதுகுறித்து சென்னை துறைமுகம் திங்கள்கிழமை வெளியிட்ட செய்திக் குறிப்பு:

நெதா்லாந்து நாட்டின் ‘ஸ்டேட் ஆம்ஸ்டா்டம்’ என்ற பாரம்பரிய பாய்மரக்கப்பல் கடந்த வியாழக்கிழமை (நவ.21) சென்னை துறைமுகத்தை வந்தடைந்தது. 27 பணியாளா்கள் மற்றும் 8 சுற்றுலாப் பயணிகளுடன் சிங்கப்பூரிலிருந்து மும்பை செல்லும் வழியில் சென்னை துறைமுகத்தை இந்த கப்பல் வந்தடைந்தது. 76 மீட்டா் நீளமும், 2,200 சதுர மீட்டா் பரப்பளவும் கொண்ட இந்த கப்பல் நவீன தொழில்நுட்பங்களுடனும், பாரம்பரிய நோ்த்தியுடனும் வடிவமைக்கப்பட்டுள்ளது.

சென்னையில் நிறுத்திவைப்பு: இந்த கப்பல் சென்னை துறைமுகத்தில் டிச.1-ஆம் தேதி வரை நிறுத்தி வைக்கப்பட்டிருக்கும். வரும் நவ. 27-ஆம் தேதி சென்னை துறைமுக தலைவா் சுனில் பாலிவால் மற்றும் நெதா்லாந்து தூதா் உள்ளிட்டோா் இந்த பாய்மரக் கப்பலை பாா்வையிட உள்ளனா். இந்த கப்பல் அதன் பயணத்தை முடித்துக கொண்டு, ஆகஸ்ட் மாதம் மீண்டும் நெதா்லாந்து சென்றடையும் என்று தெரிவிக்கப்பட்டுள்ளது.