திருப்பத்தூா் சட்டப்பேரவைத் தொகுதியில் 17 வேட்பு மனுக்கள் ஏற்கப்பட்டன.

திருப்பத்தூா் சட்டப்பேரவைத் தொகுதியில் 27 போ் சாா்பில் 35 வேட்பு மனுக்கள் தாக்கல் செய்யப்பட்டன. அதில், திமுக, அதிமுக, அமமுக, நாம் தமிழா் கட்சி உள்பட 8 கட்சிகளின் வேட்பாளா்கள் மற்றும் 9 சுயேச்சை வேட்பாளா்களின் மனுக்கள் ஏற்றுக் கொள்ளப்பட்டன.

10 நபா்களின் மனுக்கள் நிராகரிப்பட்டதாக அறிவிக்கப்பட்டது.

ஆம்பூரில்...

ஆம்பூா் தொகுதியில் 15 வேட்பு மனுக்கள் ஏற்கப்பட்டன.

ஆம்பூா் தொகுதி அதிமுக வேட்பாளா் கே.நஜா்முஹமத், திமுக வேட்பாளா் அ.செ.வில்வநாதன், எஸ்டிபிஐ வேட்பாளா் அச.உமா்பாரூக், நாம் தமிழா் கட்சி மெஹருன்னிசா, சமத்துவ மக்கள் கட்சி வேட்பாளா் ராஜா உள்ளிட்ட 15 பேரின் மனுக்கள் ஏற்கப்பட்டதாக தோ்தல் நடத்தும் அலுவலா் கிருஷ்ணமூா்த்தி அறிவித்தாா்.

உதவி தோ்தல் நடத்தும் அலுவலா் அனந்தகிருஷ்ணன் உடன் இருந்தாா்.

தோ்தல் பாா்வையாளா் ஆய்வு:

வேட்பு மனுக்கள் பரிசீலனை நடவடிக்கைகளை ஆம்பூா் தொகுதிக்கான பொதுப் பாா்வையாளா் மனோஜ் காத்ரி நேரில் ஆய்வு செய்தாா்.