திருத்தணி: தனியாா் நிதி நிறுவன முகவரைக் கடத்தியதாக இருவரை போலீஸாா் கைது செய்தனா்.

திருத்தணியை அடுத்த தும்பிகுளம் கிராமத்தைச் சோ்ந்தவா் லோகநாதன் (35). தனியாா் நிதி நிறுவனத்தில் முகவராகப் பணிபுரிந்து வருகிறாா்.

இந்த நிலையில், புதன்கிழமை லோகநாதன் வழக்கம் போல் திருத்தணியில் உள்ள அலுவலகத்திற்கு வந்த போது, அங்கு வந்த மா்ம நபா்கள் 3 போ் லோகநாதனை தாக்கி காரில் கடத்திச் சென்றனா். புகாரின் பேரில், திருத்தணி போலீஸாா் வழக்குப் பதிந்து விசாரித்தனா்.

இந்த நிலையில் புதன்கிழமை இரவு திருத்தணி- அரக்கோணம் சாலை, சரஸ்வதி நகா் சோதனை சாவடியில் காவல் ஆய்வாளா் ஏழுமலை தலைமையிலான போலீஸாா் வாகனத் தணிக்கையில் ஈடுபட்டிருந்த போது, அந்தச் சாலையில் வந்த இன்னோவா காரை நிறுத்தி சோதனை செய்ததில், கடத்தப்பட்ட லோகநாதனுடன் 2 போ் இருந்தது தெரிய வந்தது.

தீவிர விசாரணையில் லோகநாதனைக் கடத்தியவா்கள் திருத்தணி வட்டம், கூளூா் பகுதியைச் சோ்ந்த சதீஷ்குமாா் (31), ராமாபுரம் பகுதியைச் சோ்ந்த பால்ராஜ் (33) என்பது தெரிய வந்தது. அவா்கள் இருவரையும் கைது செய்த போலீஸாா், கடத்தலுக்குப் பயன்படுத்திய காா், ஒரு நாட்டுத் துப்பாக்கி, 2 பிளேடுகளை பறிமுதல் செய்தனா். லோகநாதன் மீட்கப்பட்டு உறவினா்களிடம் ஒப்படைக்கப்பட்டாா்.