ஒரு மாதத்துக்குள் கோரிக்கைகளை நிறைவேற்றாவிடில் ஆட்சியா் அலுவலக வளாகத்தில் குடியேறும் போராட்டத்தில் ஈடுபடுவோம் என மாா்க்சிஸ்ட் கம்யூனிஸ்ட் கட்சியின் தலைமைக் குழு உறுப்பினா் ஜி.ராமகிருஷ்ணன் தெரிவித்தாா்.

திருவள்ளூா் பஜாா் வீதியில் நடைபெற்ற பட்டியலின மக்களுக்கு எதிராக இழைக்கப்படும் அநீதியை தடுத்து நிறுத்தவும், மாவட்டத்தில் நிலவும் சாதியப் பாகுபாடு, தீண்டாமை கொடுமைகளுக்கு முடிவு கட்டவும் வலியுறுத்தி மாா்க்சிஸ்ட் கம்யூனிஸ்ட் கட்சி, தீண்டாமை ஒழிப்பு முன்னணியினா் வெள்ளிக்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு தமிழ்நாடு தீண்டாமை ஒழிப்பு முன்னணியின் மாவட்டத் தலைவா் இ.எழிலசரன் தலைமை வகித்தாா். இதில் நிா்வாகிகள் ராஜேந்திரன், எஸ்.ரஜினி, அந்தோணி, எல்லைய்யன் ஆகியோா் முன்னிலை வகித்தனா்.

இதில், மாா்க்சிஸ்ட் கம்யூனிஸ்ட் கட்சியின் அரசியல் தலைமைக் குழு உறுப்பினா் ஜி.ராமகிருஷ்ணன் பங்கேற்று பேசியதாவது:

திருவள்ளூா் மாவட்டம், ஆா்.கே.பேட்டை ராஜா நகரம் ஊராட்சியில் வசித்து வரும் 107 பட்டியலின குடும்பங்களுக்கு வீட்டுமனைப் பட்டா, குடியிருக்கும் இடத்திலேயே ஒதுக்கப்பட்டது. 27 ஆண்டுகளாக வீடுகள் கட்டி குடியேற முடியவில்லை. இதுதொடா்பாக அதிகாரிகளிடம் பலமுறை மனு அளித்தும் பயனில்லை.

கும்மிடிப்பூண்டி அருகே தோக்கமூா் ஊராட்சியில் பட்டியலின மக்கள் வீட்டை சுற்றி எழுப்பிய சுற்றுச்சுவரை அகற்றி, 92 குடும்பங்களுக்கு ஆதிதிராவிடா் நலத்துறை மூலம் மனைப்பட்டா வழங்க வேண்டும்.

விஷ்ணுவாக்கம் கிராமத்தில் பேருந்து நிறுத்த நிழற்குடை அமைக்க முடியாத நிலையுள்ளது. அங்கு, அரசு தீா்மாணித்த இடத்திலேயே நிழற்குடை கட்ட வேண்டும். அந்தக் கிராமத்தில் சாலையோரம் ஆக்கிரமித்த 28 சென்ட் நிலத்துக்கான பட்டாவை ரத்து செய்து, அந்தப் பகுதி மக்களுக்கு வழங்க வேண்டும்.

இந்தக் கோரிக்கைகளை ஒரு மாதத்துக்குள் மாவட்ட நிா்வாகம் நிறைவேற்றாவிட்டால், ஆட்சியா் அலுவலகத்தில் குடியேறும் போராட்டத்தில் ஈடுபடுவோம் என்றாா் அவா்.