அதிமுக கிளைகளுக்கு எம்எல்ஏ நிதியுதவி

திருவண்ணாமலை மாவட்டம், செய்யாறு தொகுதி அனக்காவூா் ஒன்றியத்தில் அதிமுகவின் 14 கிளைகளுக்கு தூசி கே.மோகன் எம்எல்ஏ நிதியுதவி வழங்கினாா்.

அனக்காவூா் கிழக்கு ஒன்றியத்துக்கு உள்பட்ட அளத்துரை, பையூா், தென்எலப்பாக்கம், தென்கல்பாக்கம் ஆகிய கிராமங்களில் அதிமுக கிளைகளுக்கு நிதியுதவி வழங்கும் நிகழ்ச்சி செவ்வாய்க்கிழமை நடைபெற்றது.

அனக்காவூா் கிழக்கு ஒன்றியச் செயலா் சி.துரை முன்னிலை வகித்தாா்.

சிறப்பு விருந்தினராக வடக்கு மாவட்டச் செயலரும், எம்.எல்.ஏ.வுமான தூசி கே.மோகன் பங்கேற்று கிராமங்களில் அதிமுக கொடியேற்றி வைத்தாா்.

மேலும் எம்.ஜி.ஆா், ஜெயலலிதா உருவப்படங்களுக்கு மலா் தூவி மரியாதை செலுத்தினாா்.

பின்னா், அங்கு கூடியிருந்த ஆயிரத்துக்கும் மேற்பட்ட மகளிருக்கு பல்வேறு உதவிகளை வழங்கினாா்.

அதனைத் தொடா்ந்து கட்சியின் 14 கிளைகளுக்கு தலா ரூ.5 ஆயிரம் வீதம் ரூ.70 ஆயிரத்தை நிதியுதவியாக வழங்கினாா்.

நிகழ்ச்சியில் ஒன்றியச் செயலா்கள் எம்.மகேந்திரன், எம்.அரங்கநாதன், மாவட்ட துணைச் செயலா் டி பி துரை, மாவட்ட அம்மா பேரவைச் செயலா் பாஸ்கா் ரெட்டியாா், மாவட்ட மாணவரணித் தலைவா் சுரேஷ் நாராயணன் உள்ளிட்டோா் கலந்துகொண்டனா்.