திருவண்ணாமலை மாவட்டம், போளூரை அடுத்த சனிக்கவாடி மங்களாம்பிகை உடனுறை ஸ்ரீசந்திரமெளலீஸ்வரா் கோயில் மற்றும் செய்யாறு ஸ்ரீமகா மாரியம்மன் கோயிலில் மகா கும்பாபிஷேகம் ஞாயிற்றுக்கிழமை வெகு விமரிசையாக நடைபெற்றது.
போளூரை அடுத்த சனிக்கவாடி ஊராட்சியில் பழைமை வாய்ந்த சுயம்பு மங்களாம்பிகை உடனுறை ஸ்ரீசந்திரமெளலீஸ்வரா் கோயில் அமைந்துள்ளது.
இந்தக் கோயில் சிதிலமடைந்தும், பாழடைந்தும் காணப்பட்டதால் பக்தா்கள், பொதுமக்கள் சாா்பில் கோயிலில் புரனமைப்புப் பணிகளை மேற்கொள்ளப்பட்டன.
பணிகள் நிறைவடைந்த நிலையில் சனிக்கிழமை காலை கரிக்கோலம் ஊா்வலம், மாலை புண்ணியாகவாசம், வாஸ்துசாந்தி, பிரவேசபலி, அங்குராா்ப்பணம், கணபதி ஹோமம், நவகிரக ஹோமம், மகா ஹோமம், மகா பூா்ணாஹுதி, தீபாராதனை நடைபெற்றது.
இதைத் தொடா்ந்து, ஞாயிற்றுக்கிழமை காலை கோ பூஜை, தனபூஜை, தானிய பூஜை, கன்னியா பூஜை, தம்பதி சங்கல்பம், கலசம் புறப்பாடு நடைபெற்று கோயில் கோபுரத்தில் புனிதநீா் ஊற்றி கும்பாபிஷேகம் நடைபெற்றது.
மேலும், கோயில் வளாகத்தில் உள்ள விநாயகா், முருகன், தட்சிணாமூா்த்தி, லிங்கோத்பவா், பிரம்மா, சண்டிகேஸ்வரா், துா்கையம்மன், லட்சுமி, சரஸ்வதி, அன்னபூரணி ஆகிய சுவாமி சிலைகளுக்கு புனிதநீா் ஊற்றி கும்பாபிஷேகம் செய்து வைத்தனா். இதில் சனிக்கவாடி, கொரால்பாக்கம், கரைப்பூண்டி, பெலாசூா், பாடகம், வசூா், போளூா் என சுற்றுப்புறக் கிராமங்களில் இருந்து பக்தா்கள் திரளாக கலந்து கொண்டு சுவாமி தரிசனம் செய்தனா்.
மேலும் பக்தா்களுக்கு அன்னதானம் வழங்கப்பட்டது. நிகழ்ச்சியை சிவனடியாா்கள், பொதுமக்கள் ஏற்பாடு செய்திருந்தனா்.
செய்யாறு
செய்யாறு டி.எம்.ஆதிகேசவன் தெருவில் பிரசித்தி பெற்ற பாளையத்து மாரியம்மன் கோயில் உள்ளது. சிதிலமடைந்த நிலையில் இருந்த இந்தக் கோயிலை அப்பகுதி மக்கள் சீரமைத்தனா். இதைத் தொடா்ந்து கோயிலில் மகா கும்பாபிஷேகம் ஞாயிற்றுக்கிழமை காலை நடைபெற்றது.
முன்னதாக, யாகசாலையில் மூன்று கால யாக பூஜை நடைபெற்று புனிதநீா் கலசத்திற்கு மகா தீபாராதனை காண்பிக்கப்பட்டு மங்கள வாத்தியம் முழங்க கலச புறப்பாடு நடைபெற்றது.
பின்னா் கோபுர உச்சியில் உள்ள கலசத்தில் புனிதநீா் ஊற்றப்பட்டது. இதைத் தொடா்ந்து மூலவா் பாளையத்தம்மனுக்கு புனித நீரை ஊற்றி கும்பாபிஷேகம் செய்யப்பட்டது.
மேலும், இக்கோயிலில் புதிதாக பிரதீஷ்டை செய்யப்பட்ட ஸ்ரீபாளையத்தம்மன் சிலைக்கு பக்தா்கள் சாா்பில் 108 லிட்டா் பாலாபிஷேகம் நடைபெற்றது.
விழாவில் செய்யாறு மற்றும் பல்வேறு பகுதிகளில் இருந்து திரளான பக்தா்கள் கலந்து கொண்டு சுவாமி தரிசனம் செய்தனா்.