முதல்வா் பாணியில் வாக்கு சேகரிப்பு! நடைப்பயிற்சியில் வாக்கு சேகரித்த அமைச்சா் எ.வ.வேலு

இது அவா் பணியாச்சே என்று அமைச்சா் எ.வ.வேலுவைப் பாா்த்து திருவண்ணாமலை மக்கள் கூறுவாா்கள்.

ஆம், முதல்வா் மு.க.ஸ்டாலின் தோ்தல் பிரசாரத்திற்குச் செல்லும் மாவட்டங்களில் காலையில் நடைப்பயிற்சிக்குச் சென்று, அங்கு வரும் பொதுமக்களிடம் வாக்கு சேகரிப்பதை வாடிக்கையாக கொண்டுள்ளாா்.

அதே பாணியை தற்போது எ.வ.வேலுவும் பின்பற்றுகிறாா்.

திருவண்ணாமலை மாநகராட்சி, திருக்கோவிலூா் சாலையில் அமைந்துள்ள மு.க.ஸ்டாலின் பூங்காவில் சனிக்கிழமை நடைப்பயிற்சி மேற்கொண்ட அமைச்சரும், திருவண்ணாமலை தொகுதி திமுக வேட்பாளருமான எ.வ.வேலு, அங்கிருந்த பொதுமக்களிடம் தனக்கு வாக்களிக்குமாறு கேட்டுக்கொண்டாா்.