வேலூர் மக்களவைத் தொகுதி அம்மா மக்கள் முன்னேற்றக் கழக வேட்பாளராக முன்னாள் அமைச்சர் கே. பாண்டுரங்கன் (65) அறிவிக்கப்பட்டுள்ளார்.
அக்கட்சியின் துணைப் பொதுச் செயலர் டிடிவி. தினகரன் மக்களவைத் தேர்தலுக்கான 2-ஆவது வேட்பாளர் பட்டியலை வெளியிட்டார். 
அதன்படி, வேலூர் மக்களவைத் தொகுதிக்கான அமமுக வேட்பாளராக முன்னாள் அமைச்சர் மாதனூர் பகுதியைச் சேர்ந்த கே.பாண்டுரங்கன் அறிவிக்கப்பட்டுள்ளார்.
அவர், அமமுக அமைப்புச் செயலராகப் பதவி வகித்து வருகிறார். ஏற்கெனவே மாதனூர் ஒன்றியக் குழுத் தலைவர், மாவட்ட அறங்காவலர் குழுத் தலைவர், தமிழ்நாடு கதர் வாரிய துணைத் தலைவர், தமிழ்நாடு தோல் தொழில் வளர்ச்சி வாரியத் தலைவர், ஊரகத் தொழில் துறை, வேளாண்மை துறை அமைச்சர் பதவிகளை வகித்துள்ளார்.