கல்வி உதவித்தொகை கோரி வேலூா் மாவட்டத்திலுள்ள பள்ளி, கல்லூரிகளில் பயிலும் மாற்றுத்திறனாளி மாணவ, மாணவிகளிடம் இருந்து விண்ணப்பங்கள் வரவேற்கப்பட்டுள்ளது.

இதுகுறித்து, மாவட்ட ஆட்சியா் பெ.குமாரவேல் பாண்டியன் வெளியிட்ட செய்திக்குறிப்பு:

வேலூா் மாவட்டத்தில் 1 முதல் பிளஸ் 2 வகுப்பு வரை, கல்லூரி பயிலும் மாற்றுத்திறனாளி மாணவ, மாணவிகளுக்கு 2021-22 ஆம் கல்வியாண்டுக்கான கல்வி உதவித்தொகை வழங்கப்பட உள்ளது. இதில், 1 முதல் 5-ஆம் வகுப்பு வரை ரூ.1,000 ம், 6-ஆம் வகுப்பு முதல் 8-ஆம் வகுப்பு வரை ரூ.3,000 ம், டிப்ளமோ, 9-ஆம் வகுப்பு முதல் பிளஸ் 2 வரை கல்வி உதவித் தொகை ரூ.4,000மும், பாா்வையற்ற மாற்றுத்திறனாளிகளாக இருந்தால் கூடுதலாக வாசிப்பாளா் உதவித்தொகை ரூ.3,000ம் , இளங்கலை படிப்புக்கு கல்வி உதவித்தொகை ரூ.6,000ம், பாா்வையற்ற மாற்றுத்திறனாளிக்கு வாசிப்பாளா் உதவித்தொகை ரூ.5,000ம் , முதுகலை படிப்புக்கு கல்வி உதவித்தொகை ரூ.7,000ம், பாா்வையற்ற மாற்றுத்திறனாளுக்கு வாசிப்பாளா் உதவித்தொகை ரூ.6,000 வழங்கப்படும்.

இந்த உதவித்தொகை பெறுவதற்கான மனுக்களை வேலூா் மாவட்ட மாற்றுத்திறனாளிகள் நல அலுவலகத்தில் அளிக்கலாம்.