குடியாத்தத்தில் புதிதாகக் கட்டப்பட்டு வரும் வட்டாட்சியா் அலுவலகத்தை மாவட்ட வருவாய் அலுவலா் ஜெ.பாா்த்தீபன் சனிக்கிழமை ஆய்வு செய்தாா்.

குடியாத்தம் வட்டாட்சியா் அலுவலகக் கட்டடம் பழுதடைந்ததையடுத்து, ரூ. 2.99 கோடியில் புதிதாகக் கட்டடம் கட்டப்பட்டு வருகிறது. இப்பணிகளை மாவட்ட வருவாய் அலுவலா் ஜெ.பாா்த்தீபன், பாா்வையிட்டு ஆய்வு செய்தாா். எம்எல்ஏ அமலுவிஜயன், கோட்டாட்சியா் எம்.ஷேக்மன்சூா், வட்டாட்சியா் தூ.வத்சலா, திமுக நகர பொறுப்பாளா் எஸ்.செளந்தரராஜன் உள்ளிட்டோா் உடனிருந்தனா்.