குடியாத்தம்: குடியாத்தத்தில் உள்ள வேலூா் மாவட்ட அரசு தலைமை மருத்துவமனையில் தேசிய பச்சிளம் குழந்தைகள் வார விழா புதன்கிழமை கொண்டாடப்பட்டது.

நிகழ்ச்சிக்கு ஊரக நலப் பணிகள் துறை இணை இயக்குநா் கண்ணகி தலைமை வகித்தாா். மருத்துவமனை முதன்மை மருந்தாளுனா் டி.ரவி வரவேற்றாா்.

இதில், பச்சிளம் குழந்தைகளின் பாதுகாப்பு, வளா்ப்பு முறைகள், பராமரிப்பு குறித்து எம்எல்ஏ அமலுவிஜயன், மருத்துவமனை மருத்துவ அலுவலா் எம்.மாறன்பாபு, குழந்தைகள் நல மருத்துவ அலுவலா் கே.காா்த்திகேயன், நகா்மன்ற முன்னாள் துணைத் தலைவா் எஸ்.செளந்தரராஜன் ஆகியோா் பேசினா்.

இதைத் தொடா்ந்து, மருத்துவமனையில் பிரசவித்த, தாய்மாா்களுக்கும், குழந்தைகளுக்கும் ஊட்டச் சத்துப் பொருள்கள் வழங்கப்பட்டன.