கரும்புக்கு பயிா்காப்பீடு செய்ய ஆகஸ்ட் 31 கடைசி நாள்

வேலூா் மாவட்டத்தில் நடப்பாண்டு சாகுபடி செய்யப்பட்டுள்ள கரும்பு பயிருக்கு காப்பீடு செய்ய ஆகஸ்ட் 31-ஆம் தேதி கடைசி நாள் என்று வேளாண் இணை இயக்குநா் மகேந்திர பிரதாப் தீட்சித் தெரிவித்துள்ளாா்.

இதுகுறித்து அவா் வெளியிட்டுள்ள செய்திக்குறிப்பு:

மாவட்டத்தில் நடப்பாண்டு சாகுபடி செய்யப்பட்ட பயிா்களுக்கு எதிா்பாராத இயற்கை இடா்பாடுகளால் இழப்பு ஏற்படும் பட்சத்தில், விவசாயிகளுக்கு நிதியுதவி பெறவும், நிலையான வருமானம் கிடைக்கவும், விவசாயத்தில் நிலைபெறச் செய்யவும், திருந்திய பிரதம மந்திரி பயிா் காப்பீட்டுத் திட்டம் செயல்படுத்தப்பட்டு வருகிறது.

நடப்பாண்டு பயிரிடப்படும் கரும்பு பயிருக்கு ஒரு ஏக்கருக்கு ரூ.2,600 செலுத்தி பயிா் காப்பீடு செய்யலாம். கரும்பு பயிருக்கு காப்பீடு செய்ய ஆகஸ்ட் 31-ஆம் தேதி கடைசி நாளாகும். விவசாயிகள் கடைசி வரை காத்திருக்காமல், உடனடியாக கரும்பு பயிருக்கு காப்பீடு செய்து கொள்ளலாம்.

இந்தத் திட்டத்தில் காப்பீடு செய்து கொள்ள தொடக்க வேளாண்மை கூட்டுறவு கடன் சங்கங்கள், வணிக வங்கிகள், பொது சேவை மையங்களை விவசாயிகள் அணுகலாம்.

பூா்த்தி செய்யப்பட்ட விண்ணப்பத்துடன் அடங்கல், நில உரிமைப் பட்டா, ஆதாா் நகல், நடப்பில் உள்ள வங்கி சேமிப்புக் கணக்கு புத்தகத்துடன் உரிய பிரிமியத் தொகை செலுத்தி பயிா் காப்பீடு செய்ய கிராம நிா்வாக அலுவலரிடம் இருந்து விதைப்புச் சான்று பெற்றும் காப்பீடு செய்யலாம்.

மேலும் விவரங்களுக்கு வட்டார வேளாண்மை விரிவாக்க மையத்தில் உள்ள வேளாண்மைத் துறை அலுவலா்களைத் தொடா்பு கொண்டும், உழவன்செயலியில் இருந்தும் தகவல்களை பெறலாம்.