குமரி அனந்தன் பிறந்த நாள்

குடியாத்தம் அத்தி மருத்துவக் கல்லூரியில் குடியாத்தம் கம்பன் கழகம்மற்றும் குடியாத்தம் தமிழ்ச் சங்கம் சாா்பில், மறைந்த முதுபெரும் காங்கிரஸ் தலைவா் குமரி அனந்தனின் பிறந்த நாள் கொண்டாடப்பட்டது.

நிகழ்ச்சிக்கு அத்தி மருத்துவமனையின் தலைமை மருத்துவா் பி.செளந்தரராஜன் தலைமை வகித்தாா். குமரி அனந்தனின் மகன் மருத்துவா் கீதன் குமரி அனந்தன் வரவேற்றாா். நிகழ்ச்சியில் மாணவா்களுக்கு பேச்சு, கட்டுரை, கவிதை போட்டிகள் நடத்தப்பட்டன.வெற்றிபெற்ற மாணவா்களுக்கு சிறப்பு விருந்தினா்களான கம்பன் கழக நிறுவனா் ஜே.கே.என்.பழனி, செயலா், வழக்குரைஞா் கே.எம்.பூபதி ஆகியோா் பரிசுகளை வழங்கினா்.

தமிழ்ச் சங்கத்தின் பொதுச் செயலா் பா.சம்பத்குமாா், குடியாத்தம் பாலிடெக்னிக் கல்லூரி முதல்வா் கே.குமரவேல், அத்தி இயற்கை மற்றும் யோகா மருத்துவக் கல்லூரி முதல்வா் மகேஷ் ராஜாமணி, அத்தி செவிலியா் கல்லூரி முதல்வா் பால்ராஜ் சீனித்துரை, குழந்தைகள் நல மருத்துவா் ஹேமலதா உள்ளிட்டோா் கலந்து கொண்டனா்.