பொள்ளாச்சி சக்தி தகவல் தொடர்பியல் மேலாண்மை (சிம்ஸ்) கல்லூரியில் மனித வள மேம்பாடு குறித்த சிறப்பு சொற்பொழிவு அண்மையில் நடைபெற்றது. 
கல்லூரி இயக்குநர் சுப்பிரமணியன் தலைமை வகித்தார். கோவை வேலன் வால்வ்ஸ் மனித வள மேம்பாட்டுத் துறை இயக்குநர் சீனிவாசன் சிறப்பு விருந்தினராக பங்கேற்று, தொழில் துறையில் தொழிலாளர்களுக்கும், மனித வள மேம்பாட்டுத் துறையினருக்கும் இடையே உள்ள சிக்கல்கள் குறித்தும், அதை எவ்வாறு எதிர்கொள்வது என்பது குறித்தும் பேசினார். 
கல்லூரியின் மனித வள மேம்பாட்டுத் துறை பேராசிரியர் கிரி பிரகாஷ் நன்றி கூறினார். நிகழ்ச்சிக்கான ஏற்பாடுகளை பேராசிரியர்கள் பிரியதர்ஷினி, குந்தவி நப்பினை ஆகியோர் செய்திருந்தனர்.