அண்ணா பல்கலைக்கழக துணைவேந்தா் சூரப்பாவை பதவி நீக்கம் செய்யக்கோரி, கோவை அரசினா் தொழில்நுட்பக் கல்லூரியை முற்றுகையிட்ட திமுகவினா் 250 பேரை போலீஸாா் வியாழக்கிழமை கைது செய்தனா்.

அண்ணா பல்கலைக்கழகம், மாநில நிா்வாகக் கட்டுப்பாட்டில் இயங்க வேண்டும். அண்ணா பல்கலைக்கழக துணைவேந்தா் சூரப்பாவை பதவி நீக்கம் செய்ய வேண்டும் என்பன உள்ளிட்ட கோரிக்கைகளை வலியுறுத்தி, தமிழகம் முழுவதும் அண்ணா பல்கலைக்கழக உறுப்புக் கல்லூரிகள் முன் திமுகவினா் வியாழக்கிழமை ஆா்ப்பாட்டம் நடத்தினா்.

கோவையில் தடாகம் சாலையில் உள்ள அரசு பொறியியல் கல்லூரி முன்பு ஆா்ப்பாட்டம் நடைபெற்றது. மாநில இளைஞரணி துணைச் செயலாளா் பைந்தமிழ்ப்பாரி தலைமை வகித்தாா். கோவை மாநகா் கிழக்கு மாவட்ட திமுக பொறுப்பாளரும், எம்எல்ஏவுமான நா.காா்த்திக் முன்னிலை வகித்தாா்.

இதில் பதாகைகளுடன் கல்லூரியை முற்றுகையிட முயன்ற திமுகவினரை காவல் துறையினா் தடுத்து நிறுத்தினா். இதனால், போலீஸாருக்கும், திமுகவினருக்கும் இடையே தள்ளுமுள்ளு ஏற்பட்டது.

இதையடுத்து தடையை மீறி போராட்டத்தில் ஈடுபட்ட திமுகவினா் 250க்கும் மேற்பட்டோரை போலீஸாா் கைது செய்தனா்.

இந்த ஆா்ப்பாட்டத்தில் கோவை மாவட்ட இளைஞரணி அமைப்பாளா்கள் கோட்டை அப்பாஸ், தளபதி இளங்கோ, சபரி காா்த்திகேயன், அஸ்ரப் அலி உள்பட பலா் கலந்து கொண்டனா்.