வெள்ளப் பாதிப்புகளில் இருந்து தப்புவது மற்றும் காப்பாற்றுவது குறித்து பொதுமக்களுக்கு செயல் விளக்கம் தீயனைப்புத் துறை சாா்பில் நடத்தப்பட்டது.

பருவ மழை துவங்கியுள்ள நிலையில் ஆற்றோரப் பகுதியில் உள்ள வீடுகளுக்குள் கனமழையின்போது வெள்ளம் புகுந்து விடுகிறது. இதே போல அனைத்து ஆறுகளிலும் வெள்ளப்பெருக்கு ஏற்படுகிறது.

இந்நிலையில் வால்பாறையில் உள்ள கூழாங்கல் ஆற்றில் வியாழக்கிழமை நடைபெற்ற நிகழ்ச்சியில் ஆற்று நீரில் சிக்கியவரை மீட்பது குறித்து செயல் விளக்கம் நடத்தப்பட்டது. இதில் வால்பாறை தீயணைப்பு நிலைய நிலை அலுவலா் தங்கராஜ் தலைமையில் தீயனைப்பு வீரா்கள் பொதுமக்களுக்கு செயல் விளக்கம் செய்து காண்பித்தனா்.