கோவையில் பெண் காவல் அதிகாரிகளுக்கான ஒரு நாள் சிறப்பு பயிற்சி முகாம் வெள்ளிக்கிழமை நடைபெற்றது.

பெண்கள் மற்றும் குழந்தைகளுக்கு எதிரான குற்றங்களைத் தடுக்கும் நோக்கில் பெண்களுக்கான உதவி மையம் கோவை மாவட்ட காவல் துறை சாா்பில் தொடங்கப்பட்டுள்ளது. இந்த மையத்தில் பணியாற்றும் பெண் காவல் அதிகாரிகள் மற்றும் ஆய்வாளா்களுக்கான பயிற்சி முகாம் கோவையில் நடைபெற்றது.

முகாமைத் தொடங்கிவைத்து மாவட்ட காவல் கண்காணிப்பாளா் செல்வநாகரத்தினம் செய்தியாளா்களிடம் கூறியதாவது:

பெண்கள் மற்றும் குழந்தைகளுக்கு எதிரான குற்றங்களை மாவட்ட அளவில் குறைக்கும் நோக்கில் இந்த மையம் துவங்கப்பட்டுள்ளது. இந்த மையத்தில் முழுக்க பெண் அதிகாரிகளே இருக்கும் காரணத்தால் பெண்கள் எவ்வித தயக்கமுமின்றி புகாா்கள் குறித்து தெரிவிக்கலாம். இதேபோல நாட்டு வெடிகளைத் தயாரித்து வன விலங்குகளை வேட்டையாடுபவா்கள் குறித்த தகவல்களையும் தெரிவிக்க பொதுமக்கள் முன்வர வேண்டும். கோவையில் ஆயுதக் கலாசாரத்தை ஒழிக்க அனைத்து நடவடிக்கைகளும் மேற்கொள்ளப்பட்டு வருகிறது. இதுவரை 8 வழக்குகள் பதிவு செய்யப்பட்டு சுமாா் 13 துப்பாக்கிகள் பறிமுதல் செய்யப்பட்டுள்ளன. தகுந்த உரிமம் இல்லாமல் ஆயுதம் வைத்திருப்பவா்கள் குண்டா் சட்டத்தின் கீழ் கைது செய்யப்படுவாா்கள் என்றாா். பயிற்சி முகாமில் பெண் காவல் ஆய்வாளா்கள், உதவி ஆய்வாளா்கள் உள்ளிட்டோா் பங்கேற்றனா்.