வடவள்ளி அருகே பேராசிரியா் வீட்டில் நகைகளைத் திருடியதாக வேலைக்கார பெண்ணை போலீஸாா் வெள்ளிக்கிழமை கைது செய்தனா்.

கோவை வடவள்ளி அருகே உள்ள பூச்சியூரைச் சோ்ந்தவா் சிவசந்திரன் (38). இவா் கோவையில் உள்ள ஒரு தனியாா் கல்லூரியில் பேராசிரியராக பணியாற்றி வருகிறாா்.

இவரது வீட்டில் குளத்துபாளையத்தைச் சோ்ந்த கலைச்செல்வி (46) என்பவா் வீட்டு வேலை செய்து வந்துள்ளாா்.

இந்நிலையில், கடந்த 14 ஆம் தேதி முதல் அவா் பணிக்கு வராமல் மாயமானாா்.

இதைத் தொடா்ந்து, சிவசந்திரன் தனது வீட்டில் உள்ள பீரோவை திறந்து பாா்த்தபோது அதில் வைக்கப்பட்டிருந்த தங்கச் சங்கிலி, கம்மல், மோதிரம் உள்பட 9 பவுன் தங்க நகைகள் திருடுபோனது தெரியவந்தது.

இது குறித்து சிவசந்திரன் அளித்த புகாரின் பேரில் போலீஸாா் வழக்குப் பதிவு செய்து விசாரணை மேற்கொண்டனா். அதில், நகைகளைத் திருடியது கலைச்செல்வி என்பது தெரியவந்தது. இதையடுத்து, அவரை போலீஸாா் வெள்ளிக்கிழமை கைது செய்தனா்.

நகை, பணம் திருடிய பெண் கைது: கோவையில் வீட்டில் வைத்திருந்த 11 பவுன் நகை மற்றும் ரூ. 84 ஆயிரத்தை திருடிய பெண்ணை போலீஸாா் கைது செய்தனா்.

கோவை ராமநாதபுரம் கிருஷ்ணசாமி நகரைச் சோ்ந்தவா் ஸ்டீபன். இவரது மனைவி பன்சிமேரிலெப்சா (36). இவா் தனியாா் நிறுவனத்தில் வேலை செய்து வருகிறாா். இவரது வீட்டில் ராமநாதபுரம் மருதூரைச் சோ்ந்த கவிதா (45) என்ற பெண் வீட்டு வேலை செய்து வந்துள்ளாா்.

இந்நிலையில், சம்பவத்தன்று நிறுவன வேலை நிமித்தமாக பன்சிமேரிலெப்சா விழுப்புரம் சென்றிருந்தாா்.

பின்னா் கடந்த 16 ஆம் தேதி வீடு திரும்பியுள்ளாா். அப்போது, வீட்டு அலமாரியில் வைத்திருந்த 11 பவுன் நகை மற்றும் ரூ.84 ஆயிரம் ஆகியவை காணாமல் போனது தெரியவந்தது.

இது குறித்து ராமநாதபுரம் காவல் நிலையத்தில் பன்சிமேரிலெப்சா புகாா் அளித்தாா்.

போலீஸாா் நடத்திய விசாரணையில், நகை மற்றும் பணத்தை திருடியது கவிதா என்பது தெரியவந்தது.

இதையடுத்து, கவிதாவை கைது செய்த போலீஸாா், அவரிடமிருந்த நகை, பணத்தை பறிமுதல் செய்தனா்.