கோவை மாவட்டத்தில் 671 பள்ளிகளைச் சோ்ந்த 1.61 லட்சம் மாணவா்களுக்கு கரோனா தடுப்பூசி செலுத்தப்படும் என்று மாவட்ட ஆட்சியா் ஜி.எஸ்.சமீரன் தெரிவித்துள்ளாா்.

நாடு முழுவதும் 15 வயது முதல் 18 வயதுக்குள்ளானவா்களுக்கு கரோனா தடுப்பூசி செலுத்தும் பணி திங்கள்கிழமை தொடங்கப்பட்டது.

அதன்படி கோவை மாவட்டத்தில் கரோனா தடுப்பூசி செலுத்தும் பணியை பாப்பநாயக்கன்பாளையத்தில் உள்ள மணி மேல்நிலைப் பள்ளியில் ஆட்சியா் ஜி.எஸ்.சமீரன் தொடங்கிவைத்தாா்.

பின்னா் அவா் செய்தியாளா்களிடம் கூறியதாவது: கோவை மாவட்டத்தில் 671 பள்ளிகளைச் சோ்ந்த ஒரு லட்சத்து 61 ஆயிரம் மாணவா்களுக்கு பள்ளிகளிலேயே கரோனா தடுப்பூசி செலுத்தப்பட உள்ளது.

முதல் நாளான திங்கள்கிழமை 83 பள்ளிகளில் 16 ஆயிரம் மாணவா்களுக்கு தடுப்பூசி செலுத்தப்படுகிறது. இதற்காக மாவட்டம் முழுவதும் 24 மருத்துவக் குழுக்கள் அமைக்கப்பட்டுள்ளன. கரோனா தடுப்பூசியை மாணவா்கள் அனைவரும் செலுத்திக்கொள்ள வேண்டும்.

வெளிநாடுகளில் இருந்து கோவை வந்தவா்களில் 19 பேருக்கு கரோனா நோய்த் தொற்று உறுதி செய்யப்பட்டுள்ளது. இவா்களில் ஒருவருக்கு மட்டும் ஒமைக்ரான் உறுதி செய்யப்பட்டிருந்த நிலையில், அவரும் தற்போது குணமடைந்துவிட்டாா். கரோனா நோய்த் தொற்றுடன் டெங்கு பாதிப்பும் கோவையில் அதிகரித்துள்ளது.

மாவட்டத்தில் 33 இடங்கள் டெங்கு நோய்த் தொற்று பரவும் பகுதிகளாக கண்டறியப்பட்டுள்ளன. இப்பகுதிகளில் சுகாதாரத் துறை சாா்பில் டெங்கு கொசுப் புழு ஒழிப்புப் பணிகள் மேற்கொள்ளப்பட்டு வருகின்றன. மாவட்டத்தில் டெங்கு பாதிப்புக்கு தற்போது 33 போ் சிகிச்சை பெற்று வருகின்றனா் என்றாா்.

இதில், மாநகராட்சி ஆணையா் ராஜகோபால் சுன்கரா, சுகாதாரத் துறை துணை இயக்குநா் பி.அருணா, முதன்மைக் கல்வி அலுவலா் கீதா உள்ளிட்ட அதிகாரிகள் பலா் கலந்துகொண்டனா்.