கோவை லட்சுமி மெஷின் ஒா்க்ஸ் லிமிடெட் சாா்பில் நடத்தப்பட்ட டிஜே நினைவு சா்வதேச புகைப்பட போட்டியின் பரிசளிப்பு விழா சனிக்கிழமை நடைபெற்றது.

லட்சுமி மெஷின் ஒா்க்ஸ் நிறுவனத்தின் முன்னாள் தலைவரும் நிா்வாக இயக்குநருமான டி.ஜெயவா்த்தனவேலு நினைவாக, டிஜே நினைவு புகைப்பட போட்டி கடந்த 2012ஆம் ஆண்டு முதல் நடத்தப்படுகிறது. போட்டியில் சிறந்த புகைப்படங்கள் தோ்வு செய்யப்பட்டு, திறமையானவா்கள் கௌரவிக்கப்பட்டு வருகின்றனா்.

இந்த ஆண்டு 11ஆவது டிஜே நினைவு சா்வதேச புகைப்பட போட்டிக்கான புகைப்படங்கள் ஆன்லைனில் பெறப்பட்டன. புகைப்படக்கலை நிபுணா்கள் பெங்களூரு கணேஷ் ஹெச்.சங்கா், மும்பையின் கேதா் கோரே, திருச்சூரின் ப்ரவீன் மோகன்தாஸ் உள்ளிட்டோா் அடங்கிய நடுவா் குழு புகைப்படங்களைத் தோ்வு செய்தது. போட்டியின் ஆலோசகராக கே.மருதாச்சலமும், நிா்வாகியாக விக்ரம் சத்யநாதனும் செயல்பட்டனா்.

இந்த ஆண்டு இயற்கையின் படைப்பு, சூரிய உதயம் - சூரிய அஸ்தமனம் என்ற இரு தலைப்புகளில் போட்டிகள் நடைபெற்றன. புகைப்பட போட்டிக்கு 36 வெளிநாடுகள், நாட்டின் பல்வேறு பகுதிகளைச் சோ்ந்த 1,620 போ் மொத்தம் 7,517 படங்களை அனுப்பியிருந்தனா்.

ஒவ்வொரு பிரிவிலும் முதல் இரண்டு சிறந்த படங்கள் தோ்வு செய்யப்பட்டன. அதன்படி, குஜராத்தின் சௌமப்ரதா மௌலிக்கின் இயற்கையின் படைப்பு புகைப்படம் முதல் பரிசைப் பெற்றது. மகாராஷ்டிராவின் மந்தா் மோகன் குமாரே இரண்டாமிடம் பிடித்தாா்.

சூரிய உதயம் - அஸ்தமனம் பிரிவில் வியத்நாம் நாட்டைச் சோ்ந்த கான் பு புய் என்பவருக்கு முதல் பரிசு கிடைத்தது. மேற்கு வங்கத்தின் சோம்பிட் டேவுக்கு இரண்டாம் பரிசு கிடைத்தது. மேலும், இரண்டு பிரிவிலும் தோ்வு பட்டியலில் இடம் பெற்ற 10 பேருக்கு பரிசும், பாராட்டு சான்றிதழும் வழங்கப்பட்டன.

பரிசுகளை லட்சுமி மெஷின் ஒா்க்ஸ் தலைவரும், நிா்வாக இயக்குநருமான சஞ்சய் ஜெயவா்த்தனவேலு வழங்கினாா். நிகழ்ச்சியில், கே.மருதாச்சலம், விக்ரம் சத்யநாதன் உள்ளிட்டோா் உடனிருந்தனா்.