கோபி ஸ்ரீ வெங்கடேஸ்வரா வித்யாலயா மெட்ரிக். பள்ளி மாணவர்கள் பொது அறிவுப் போட்டியில் சிறப்பிடம் பெற்றுள்ளனர்.
ஈரோடு ஜேசி சங்கம் சார்பில் நடத்தப்பட்ட பொது அறிவுத் திறன் போட்டியில் கோபி, ஸ்ரீ வெங்கடேஸ்வரா வித்யாலயா மெட்ரிக். பள்ளியைச் சேர்ந்த 230 மாணவர்கள் கலந்துகொண்டனர். 
இதில், 2-ஆம் வகுப்பு மாணவி து.யு.கனிஷ்கா மாநில அளவில் மூன்றாமிடம் பெற்றுள்ளார்.  மேலும், 4 மாணவர்கள் மாவட்டத்தில் இரண்டாமிடமும் , 10 மாணவர்கள் மாவட்டத்தில் மூன்றாமிடமும் பெற்றுள்ளனர். வெற்றி பெற்ற மாணவர்களுக்குப் பள்ளிச் செயலர் ஜி.பி.கெட்டிமுத்து பரிசுகள், சான்றிதழ்கள் வழங்கிப் பாராட்டினார். 
இந்நிகழ்ச்சியில் அறக்கட்டளை உறுப்பினர்கள், பள்ளி முதல்வர், ஒருங்கிணைப்பாளர்கள், ஆசிரிய, ஆசிரியைகள், மாணவ, மாணவிகள் கலந்துகொண்டனர்.