வெள்ளக்கோவில் தனியார் கொள்முதல் மையங்களில் ஞாயிற்றுக்கிழமை கிலோ ரூ.20க்கு முருங்கைக் காய் விற்பனையானது.
 இப்பகுதியில் கிடைக்கும் முருங்கைக் காய்கள் காங்கயம், வெள்ளக்கோவில் வாரச் சந்தைகள்,  தனியார் கொள்முதல் மையங்களில் விற்பனை செய்யப்படுகின்றன. மர முருங்கைக்காய், செடி முருங்கைக்காய்கள் என இரண்டு ரகங்கள் வரத்து உள்ளது.
 கடந்த வாரத்தை விட சற்றுக் குறைந்து ஞாயிற்றுக்கிழமை 12 டன் வரத்து இருந்தது. மர முருங்கைக்காய் கிலோ ரூ.15, செடி முருங்கைக்காய் ரூ.20க்கு விற்பனையானது. இது கடந்த வாரத்தை விட கிலோவுக்கு ரூ.5  கூடுதலாகும்.