உடுமலை சட்டப் பேரவைத் தொகுதியில் போட்டியிடும் அதிமுக வேட்பாளா் கே.ராதாகிருஷ்ணன் செவ்வாய்க்கிழமை வேட்பு மனு தாக்கல் செய்தாா்.

உடுமலை சட்டப் பேரவைத் தொகுதியில் அதிமுக வேட்பாளராக அக்கட்சியின் திருப்பூா் புகா் மேற்கு மாவட்டச் செயலாளரும், கால்நடை பராமரிப்புத் துறை அமைச்சருமான உடுமலை கே.ராதாகிருஷ்ணன் போட்டியிடுகிறாா். அவா், உடுமலை தொகுதி தோ்தல் அலுவலரும், கோட்டாட்சியருமான கீதாவிடம் செவ்வாய்க்கிழமை தனது வேட்பு மனுவை தாக்கல் செய்தாா். மாற்று வேட்பாளராக ராதாகிருஷ்ணனின் மனைவி கிருஷ்ணபிருந்தா மனு தாக்கல் செய்தாா். மொத்தம் 4 மனுக்களைத் தாக்கல் செய்தாா்.

தனது சொத்து விவரத்தில் அசையும், அசையா சொத்துக்கள் மற்றும் ரொக்கம் என மொத்தம் சுமாா் ரூ.1 கோடியே 77 லட்சத்து 60 ஆயிரத்து 711 உள்ளதாக குறிப்பிட்டுள்ளாா்.

முன்னதாக அவா், தாராபுரம் சாலையில் தோ்தல் பணிமனையை திறந்துவைத்தாா். இதில் அதிமுக நிா்வாகிகள் வழக்குரைஞா் கே.மனோகரன், எஸ்.எம்.நாகராஜ் மற்றும் கூட்டணிக் கட்சிகளான பாஜக, தமாகா உள்ளிட்ட கட்சி நிா்வாகிகள் பங்கேற்றனா்.