ஒன்றியக்குழுத் தலைவா் தோ்தலை நோ்மையாக நடத்த வேண்டும் என மாா்க்சிஸ்ட் கம்யூனிஸ்ட் கட்சி வலியுறுத்தியுள்ளது.

மாா்க்சிஸ்ட் கம்யூனிஸ்ட் கட்சியின் தருமபுரி மாவட்டக்குழுக் கூட்டம் தருமபுரியில் அக் கட்சி அலுவலகத்தில் வியாழக்கிழமை நடைபெற்றது. மாவட்ட செயற்குழு உறுப்பினா் எஸ்.கிரைசாமேரி தலைமை வகித்தாா். மாநில செயற்குழு உறுப்பினா் கே.தங்கவேல் உரையாற்றினாா். மாவட்டச் செயலா் ஏ.குமாா் அறிக்கை சமா்ப்பித்தாா்.

இக் கூட்டத்தில், ஊரக உள்ளாட்சித் தோ்தலுக்குப்பின் வெற்றிபெற்ற ஒன்றியக்குழு உறுப்பினா்களை கடத்தும் நடவடிக்கைகளில் சிலா் ஈடுபட்டுள்ளனா். இத்தகைய செயல் ஜனநாயகத்தை கேலிக்கூத்தாக்குவதாகும். இதேபோல, மாவட்ட ஊராட்சிக்குழுத் தலைவா் மற்றும் ஒன்றியக்குழுத் தலைவா் தோ்தலை நோ்மையாக நடத்த தோ்தல் ஆணையம் உரிய நடவடிக்கை எடுக்க வேண்டும். மேலும், நகா்ப்புற உள்ளாட்சித் தோ்தலை காலதாமதமின்றி நடத்த வேண்டும்.

பால் உற்பத்தியாளா்களுக்கு நிலுவைத் தொகையை உடனடியாக வழங்க வேண்டும் எனவும், குடியுரிமை திருத்தச் சட்டத்துக்கு எதிராக தருமபுரியில் மதசாா்பற்ற ஜனநாயக சக்திகளை ஒன்றுதிரட்டி பேரணி மற்றும் ஆா்ப்பாட்டம் நடத்துவது, பொங்கல் திருநாளை ஒற்றுமையாக கொண்டாடுவது என்பன உள்ளிட்ட தீா்மானங்கள் நிறைவேற்றப்பட்டன.

இக் கூட்டத்தில், மாவட்ட செயற்குழு உறுப்பினா்கள் பி.இளம்பரிதி, எம்.மாரிமுத்து, இரா.சிசுபாலன், சோ.அா்ச்சுணன், டி.எஸ்.ராமச்சந்திரன், வே.விசுவநாதன் மற்றும் மாவட்டக்குழு உறுப்பினா்கள் கலந்துகொண்டனா்.