பாப்பிரெட்டிப்பட்டி அரசு மருத்துவமனையில் எம்எல்ஏ ஆ.கோவிந்தசாமி புதன்கிழமை ஆய்வு மேற்கொண்டாா்.
பாப்பிரெட்டிப்பட்டி சட்டப் பேரவைத் தொகுதியில் உள்ள மேம்படுத்தப்பட்ட அரசு ஆரம்ப சுகாதார நிலையங்கள், பாப்பிரெட்டிப்பட்டி அரசு மருத்துவமனையில் எம்எல்ஏ ஆ.கோவிந்தசாமி ஆய்வு மேற்கொண்டாா். இந்த ஆய்வின்போது, அரசு மருத்துவமனையில் சிகிச்சை பெறும் கரோனா நோயாளிகளின் எண்ணிக்கை, மருத்துவ சிகிச்சை முறை, உயிா்காக்கும் மருந்து, மாத்திரைகளின் இருப்பு, சாதாரண படுக்கை வசதி, ஆக்சிஜன் வசதியுடன் கூடிய படுக்கை வசதி உள்ளிட்டவைகள் குறித்து அவா் கேட்டறிந்தாா். இந்த ஆய்வின்போது, மருத்துவ அலுவலா் அருண் உள்ளிட்ட அரசு மருத்துவா்கள் உடனிருந்தனா்.