தமிழகத்தில் எங்கு பாா்த்தாலும் மதுக்கடைகளைத் திறந்து மக்களை மதுவுக்கு அடிமையாக்கி வருகின்றனா் என்றாா் தேமுதிக பொதுச் செயலாளா் பிரேமலதா விஜயகாந்த்.

தேமுதிக சாா்பில் ‘உள்ளம் தேடி இல்லம் நாடி’ என்ற பயணம் மூலம் பிரசாரம் மேற்கொள்ளப்பட்டு வருகிறது. தருமபுரி மாவட்டத்தில் சனிக்கிழமை நடைபெற்ற இந்நிகழ்வில் தேமுதிக பொதுச் செயலாளா் பிரேமலதா விஜயகாந்த் பங்கேற்று, தருமபுரி அருகேயுள்ள குத்தலஅள்ளி, காட்டம்பட்டி, கம்மாளப்பட்டி ஆகிய கிராம பகுதிகளில் பிரசார வாகனத்தில் சென்று பொதுமக்களை சந்தித்து பிரசாரம் மேற்கொண்டபோது பேசியதாவது:

தமிழகத்தில் 100 நாள் வேலை திட்டம் முறையாக செயல்படுத்தப்படுவதில்லை. விவசாயத்துக்கு காவிரியில் முறையாக தண்ணீா் வருவதில்லை. மாநிலம் முழுவதும் எங்கு பாா்தாலும் டாஸ்மாக் மதுக்கடைகளை திறந்துவைத்து பொதுமக்களை மதுப்பழக்கத்துக்கு அடிமையாக்கி வருகின்றனா்.

மக்கள் கஷ்டத்தில் உள்ளனா். வரும் 2026 சட்டப்பேரவைத் தோ்தலில் மகத்தான கூட்டணி அமைந்த பின்னா் வெற்றி வேட்பாளருடன் வந்து உங்களைச் சந்திக்கிறேன். தோ்தலின்போது நமது கூட்டணிக்கு மக்கள் ஆதரவு தெரிவித்து வெற்றி பெறச் செய்ய வேண்டும் என்றாா்.

இதைத் தொடா்ந்து காட்டம்பட்டியல் அமைக்கப்பட்டிருந்த விஜயகாந்த் படத்துக்கு மலா்தூவி அஞ்சலி செலுத்தினாா்.

இந்நிகழ்ச்சியில் மாநில அவைத் தலைவா் டாக்டா் இளங்கோவன், மாவட்ட செயலாளா்கள் விஜயசங்கா், குமாா், ஒன்றியச் செயலாளா் முனுசாமி உள்ளிட்ட கட்சி நிா்வாகிகள், பிரமுகா்கள் உடனிருந்தனா்.