கிருஷ்ணகிரியில் நடைபெற்று வரும் அகில இந்திய மாங்கனி கண்காட்சி திங்கள்கிழமை (ஜூலை 15) நிறைவு பெறுகிறது.
கிருஷ்ணகிரி அரசு ஆண்கள் மேல்நிலைப் பள்ளி வளாகத்தில் ஜூன் 16-ஆம் தேதி 27-ஆவது அகில இந்திய மாங்கனி கண்காட்சி தொடங்கியது. 29 நாள்களாக நடைபெற்று வரும் இந்த மாங்கனி கண்காட்சி, ஜூலை 15-ஆம் தேதி நிறைவு பெறுகிறது.
இதையொட்டி, மாலை 5 முதல் இரவு 10 மணி வரையில் கண்காட்சி நிறைவு விழாவும், அதைத் தொடர்ந்து யோகா நிகழ்ச்சிகள், நடன நிகழ்ச்சிகள், திரைப்பட குழுவினரின் நடன நிகழ்ச்சிகள் ஆகியன நடைபெறுகின்றன.