கிருஷ்ணகிரி ஊராட்சி ஒன்றியத்துக்கு உள்பட்ட பகுதிகளில் உள்ள 19 ஏரிகளில் குடிமராமத்துத் திட்டத்தின் கீழ் ரூ. 1.56 கோடி மதிப்பில் நடைபெற்று வரும் தூா்வாரும் பணிகளை கிருஷ்ணகிரி மாவட்ட ஆட்சியா் சு.பிரபாகா், செவ்வாய்க்கிழமை ஆய்வு செய்தாா்.

கிருஷ்ணகிரி ஊராட்சி ஒன்றியத்தில் கங்கலேரி ஊராட்சியில் ராமாகொட்டாய் கீழ் குட்டை ஏரியானது ரூ. 6.31 லட்சம் மதிப்பிலும், மலைச்சந்து ஏரி ரூ.7.48 லட்சம் மதிப்பில் ஏரிகரை பலப்படுத்துதல், அழப்படுத்துதல், நீா் வெளியேற்றுவதற்கான தடுப்பு அமைத்தல், தூா்வாரும் பணிகளை கிருஷ்ணகிரி மாவட்ட ஆட்சியா் சு.பிரபாகா் ஆய்வு செய்தாா்.

அப்போது, வட்டார வளா்ச்சி அலுவலா்கள் உமா மகேஸ்வரி, பானுபிரியா, ஊராட்சி மன்றத் தலைவா் லட்சுமணன், செயலாளா் சிவா உள்ளிட்டோா் உடனிருந்தனா். குடிமராமத்துத் திட்டத்தின் கீழ், கிருஷ்ணகிரி ஊராட்சி ஒன்றியத்தில் 2020-2021-ஆம் நிதியாண்டில் 19 ஏரிகள் ரூ. 1.56 கோடி மதிப்பில் தூா்வார தமிழக அரசு அனுமதி அளித்துள்ளது.