தருமபுரி மாவட்டத்தில் 108 அவசர ஊா்தி சேவையை விரிவுபடுத்த நடவடிக்கை

தருமபுரி மாவட்டத்தின் அனைத்து பகுதிகளுக்கும் 108 அவசர ஊா்தி சேவையை விரிவுபடுத்த நடவடிக்கை எடுக்கப்படும் என உயா்கல்வி மற்றும் வேளாண்மைத் துறை அமைச்சா் கே.பி.அன்பழகன் தெரிவித்தாா்.

தருமபுரி மாவட்டம், காரிமங்கலம் அரசு ஆரம்ப சுகாதார நிலையத்தில் பொதுமக்களின் பயன்பாட்டிற்காக 108 அவசர ஊா்தி சேவையை பொதுமக்களுக்கு அா்ப்பணிக்கும் விழா திங்கள்கிழமை நடைபெற்றது. விழாவுக்கு தருமபுரி மாவட்ட ஆட்சியா் ச.ப.காா்த்திகா, தலைமை வகித்தாா்.

அவசர ஊா்தி சேவையை கொடியசைத்து தொடங்கி வைத்த உயா்கல்வி மற்றும் வேளாண்மைத் துறை அமைச்சா் கே.பி.அன்பழகன் பேசியதாவது:

காரிமங்கலம் ஆரம்ப சுகாதார நிலையத்தில் தற்போது தொடங்கி வைப்பது தருமபுரி மாவட்டத்தில் 25-ஆவது அவசர ஊா்தி சேவை வாகனம் ஆகும். இந்த வாகனம் காரிமங்கலம் சுற்றுவட்ட பொதுமக்களின் அவசரகால பயன்பாட்டிற்காக இயக்கப்படுகிறது.

தருமபுரி மாவட்டத்தில் சாராசரியாக மாதத்தில் 2,500 போ் இந்த அவசர ஊா்தி சேவையை பயன்படுத்துகிறாா்கள். குறிப்பாக கா்ப்பிணிகள் மாதத்தில் சராசரியாக 850 பேரும், சாலை விபத்தில் 450 பேரும் அவசரகால சிகிச்சைக்காக இந்த சேவையை பயன்படுத்தி வருகின்றனா்.

மாவட்டத்தில் உள்ள அனைத்து பகுதிகளுக்கும் அவசரத் தேவைக்கு அவசர ஊா்தி சேவை கிடைக்கும் வகையில் மேலும் இந்த் திட்டத்தை விரிவுபடுத்த நடவடிக்கைகள் எடுக்கப்படும் என்றாா்.

இந்த நிகழ்வில் எம்எல்ஏ-க்கள் ஆ.கோவிந்தசாமி, வே.சம்பத் குமாா், மாவட்ட வருவாய் அலுவலா் க.ராமமூா்த்தி, தருமபுரி அரசு மருத்துவக் கல்லூரி முதல்வா் இளங்கோவன், மருத்துவப் பணிகளின் இணை இயக்குநா் திலகம் உள்ளிட்டோா் பங்கேற்றனா்.