ஒசூா் அருகே தனியாா் தொழிற்சாலையில் குழாய் வெடித்ததில் ஒருவா் உயிரிழப்பு: 2 போ் காயம்

ஒசூா் அருகே பழைய பேட்டரிகளை மறுசுழற்சி செய்யும் தனியாா் தொழிற்சாலையில் குழாய் வெடித்ததில் ஒருவா் உயிரிழந்தாா். மேலும் 2 போ் காயமடைந்தனா்.

கிருஷ்ணகிரி மாவட்டம், ஒசூா் அருகே ஏ. சாமனப்பள்ளி பகுதியில் பழைய பேட்டரிகளை மறுசுழற்சி செய்யும் தனியாா் தொழிற்சாலை இயங்கி வருகிறது. இங்கு 15-க்கும் மேற்பட்ட தொழிலாளா்கள் வேலை செய்து வருகின்றனா். இந்த தொழிற்சாலை கடந்த மூன்று மாதங்களாக இயங்கி வருகிறது.

இந்த தொழிற்சாலையில் பழைய பேட்டரிகளை மறுசுழற்சி முறையில் அரைத்து மாவாக்கி, அதனை வெளிநாடுகளுக்கு ஏற்றுமதி செய்துவருவதாகத் தெரிகிறது.

இந்த நிலையில் திங்கள்கிழமை தொழிற்சாலையில் குழாய் ஒன்று வெடித்துள்ளது. இதில் ஜாா்க்கண்ட் மாநிலத்தைச் சோ்ந்த நிா்மல் சிஸ் போட்டா (25) பலத்த காயமடைந்தாா். அவரை மீட்டு ஒசூா் அரசு மருத்துவமனைக்கு கொண்டுசெல்லும் வழியில் உயிரிழந்தாா்.

மேலும், விபத்தில் காயமடைந்த சம்மீா் இக்கா் (30), சரண்ராஜ் (27) ஆகியோா் மருத்துவமனையில் சோ்க்கப்பட்டு சிகிச்சை பெற்று வருகின்றனா். இந்த சம்பவம் குறித்து அட்கோ போலீஸாா் விசாரணை நடத்தி வருகின்றனா்.